ఓఆర్‌ఆర్‌ ప్రాజెక్టు ఫేజ్‌-2 పనుల పరిశీలన

ఔటర్‌ రింగు రోడ్డు పరిధిలో విస్తరించిన గ్రామాలు, కాలనీలు, గేటెడ్‌ కమ్యూనిటీలకు తాగునీటి సరఫరా చేసేందుకు జలమండలి చేపట్టిన ఓఆర్‌ఆర్‌ ప్రాజెక్టు ఫేజ్‌-2లోని ప్యాకేజీ-2లో ఉన్న మల్లంపేట 3 ఎంఎల్‌ సామర్థ్యం రిజర్వాయర్‌ను ఎండీ సుదర్శన్‌రెడ్డి శుక్రవారం సందర్శించారు.

సిటీబ్యూరో, మే 10(నమస్తే తెలంగాణ): ఔటర్‌ రింగు రోడ్డు పరిధిలో విస్తరించిన గ్రామాలు, కాలనీలు, గేటెడ్‌ కమ్యూనిటీలకు తాగునీటి సరఫరా చేసేందుకు జలమండలి చేపట్టిన ఓఆర్‌ఆర్‌ ప్రాజెక్టు ఫేజ్‌-2లోని ప్యాకేజీ-2లో ఉన్న మల్లంపేట 3 ఎంఎల్‌ సామర్థ్యం రిజర్వాయర్‌ను ఎండీ సుదర్శన్‌రెడ్డి శుక్రవారం సందర్శించారు.

అనంతరం, బాచుపల్లి ఫిల్లింగ్‌ స్టేషన్‌ను సందర్శించి.. ట్యాంకర్ల వివరాలు తెలుసుకుని, రికార్డులు పరిశీలించారు. ఈ ప్యాకేజీలో నిర్మిస్తున్న 38 రిజర్వాయర్లకు ఇప్పటికే 13 పూర్తయి అందుబాటులోకి వచ్చాయని సుదర్శన్‌రెడ్డి వివరించారు. మిగిలిన 25 రిజర్వాయర్లకు 13 పూర్తయి అందుబాటులో వచ్చాయని తెలిపారు. పురోగతిలో ఉన్న పనులను జూన్‌ వరకు అందుబాటులోకి తీసుకురావాలని సూచించారు. అనంతరం, రిజర్వాయర్ల ప్రాంగణంలో నిర్మించి పంప్‌ రూమ్‌ను ఎండీ పరిశీలించారు.