హైదరాబాద్: నగరంలోని తార్నాకలో ఘోర రోడ్డు ప్రమాదం జరిగింది. తార్నాక ఫ్లై ఓవర్పై (Tarnaka flyover) వెళ్తున్న ఓ బైక్ను లారీ ఢీకొట్టింది. దీంతో ద్విచక్ర వాహనదారుడు అక్కడికక్కడే మృతిచెందాడు. సమాచారం అందుకున్న పోలీసులు ఘటనా స్థలానికి చేరుకున్నారు. మృదేహాన్ని స్వాధీనం చేసుకుని పోస్టుమార్టం నిమిత్తం దవాఖానకు తరలించారు. ఈ ప్రమాదంతో ఫ్లై ఓవర్పై భారీగా ట్రాఫిక్ జామ్ అయింది. దీంతో ప్రమాదానికి కారణమైన వాహనాన్ని రోడ్డుపైనుంచి తొలగించిన పోలీసులు వాహనాలను క్లియర్ చేస్తున్నారు. ఈ ఘటనపై కేసు నమోదుచేసి దర్యాప్తు చేస్తున్నారు. మృతునికి సంబంధించిన వివరాలు తెలియాల్సి ఉన్నది.