1.45 గంటలకు.. మహాగణపతి నిమజ్జనం సంపూర్ణం

ఖైరతాబాద్‌లో నవరాత్రుళ్లు పూజలందుకున్న శ్రీ విశ్వశాంతి మహాశక్తి గణపతి నిమజ్జన ఘట్టం పూర్తయ్యింది. అయితే ముఖ్యమంత్రి పర్యటన నేపథ్యంలో నిమజ్జన ఏర్పాట్లలో కొంత ఆలస్యం జరిగింది.

ఖైరతాబాద్‌, సెప్టెంబర్‌ 6 : ఖైరతాబాద్‌లో నవరాత్రుళ్లు పూజలందుకున్న శ్రీ విశ్వశాంతి మహాశక్తి గణపతి నిమజ్జన ఘట్టం పూర్తయ్యింది. అయితే ముఖ్యమంత్రి పర్యటన నేపథ్యంలో నిమజ్జన ఏర్పాట్లలో కొంత ఆలస్యం జరిగింది. శనివారం ఉదయం 6 గంటలకు ప్రారంభం కావాల్సిన శోభాయాత్ర.. 7.41 గంటలకు మొదలైంది. 11.48 గంటలకు ఎన్టీఆర్‌ మార్గ్‌లోని క్రేన్‌ నం.4 వద్దకు చేరుకున్నది. తుదిపూజలనంతరం మధ్యాహ్నం 1.45 గంటలకు మహాగణపతి నిమజ్జనం సంపూర్ణమైంది.

మహాగణపతి శోభాయాత్ర సాగిందిలా..

ఖైరతాబాద్‌లో కొలువుదీరిన శ్రీ విశ్వశాంతి మహాశక్తి గణపతి నిమజ్జన ఘట్టం శుక్రవారం అర్ధరాత్రి నుంచే ప్రారంభమై, మరుసటి రోజు శనివారం మధ్యాహ్నం వరకు సాగింది.

మహాగణపతి నిమజ్జనోత్సవం

• శుక్రవారం అర్ధరాత్రి 12.20 గంటలకు తుది పూజలు
• 12.35 గంటలకు హారతినిచ్చి కలశాన్ని కదలించి.. విగ్రహానికి ఉద్వాసన
• శనివారం ఉదయం 5 గంటల వరకు ఏర్పాట్లు
• 5.15 గంటలకు టస్కర్‌పై గణపతి విగ్రహం
• 6.15 గంటలకు వెల్డింగ్‌ పూర్తి
• 7.41 గంటలకు శోభాయాత్ర ప్రారంభం
• 8.59 గంటలకు సెన్షేషన్‌ థియేటర్‌
• 9.45 గంటలకు రాజ్‌దూత్‌ చౌరస్తా
• 10.14 గంటలకు హోమ్స్‌ సైన్స్‌ కళాశాల
• 10.35 గంటలకు తెలుగు తల్లి ఫ్లై ఓవర్‌
• 11.00 గంటలకు లుంబినీ పార్కు
• 11.35 గంటలకు ఎన్టీఆర్‌ మార్గ్‌
• 11.48 గంటలకు క్రేన్‌ నం.4 వద్దకు గణపతి
• 11.50 గంటలకు వెల్డింగ్‌ పనులు ప్రారంభం
• మధ్యాహ్నం 12.19 గంటలకు తుది పూజలు
• 12.23 గంటలకు కలశపూజ
• 12.29 వెల్డింగ్‌ పనులు పూర్తి
• 1.01 గంటలకు క్రేన్‌ సాయంతో పైకి
• 1.16 గంటల వరకు గాల్లోనే విగ్రహం
• 1. 22 గంటలకు సాగర్‌ను తాకిన గణనాథుడు
• 1.45 గంటలకు సంపూర్ణ నిమజ్జనం