ఉస్మానియా యూనివర్సిటీ, జనవరి 29: ఉస్మానియా యూనివర్సిటీ( Osmania University)లోని యూనివర్సిటీ ఎంప్లాయ్మెంట్ ఇన్ఫర్మేషన్ అండ్ గైడెన్స్ బ్యూరో (మోడల్ కెరియర్ సెంటర్)లో బుధవారం (ఈ నెల 31న) జాబ్ మేళా(Job fair) నిర్వహించనున్నట్లు బ్యూరో డిప్యూటీ చీఫ్ టి. రాము ఒక ప్రకటనలో తెలిపారు. సియారా గ్రూప్(Ciara Group)లో మార్కెటింగ్ ఎగ్జిక్యూటివ్, టెలీకాలర్స్ ఉద్యోగాల కోసం ఈ మేళా నిర్వహిస్తున్నట్లు చెప్పారు.
ఈ మేళాకు హాజరయ్యేందుకు పదవ తరగతి, ఇంటర్మీడియట్, డిగ్రీ, పీజీ అర్హత కలిగిన వారు అర్హులని పేర్కొన్నారు. 18 ఏళ్లు నిండి స్త్రీ, పురుషులు ఎవరైనా మేళాకు హాజరుకావచ్చని వివరించారు. అభ్యర్థులు తమ బయోడేటా, సర్టిఫికెట్లతో మేళాకు హాజరుకావాలన్నారు. ఇతర వివరాలకు 9885030364 నెంబర్లో సంప్రదించాలని సూచించారు.