ప్రగతి పథంలో పారిశ్రామిక రంగం

గ్రేటర్‌ భారీ ఎత్తున పారిశ్రామిక ప్రగతిని సాధించడమే కాకుండా పరిశ్రమల సులభతర వాణిజ్యం (ఈవోడీబీ)లోనూ దేశంలో ముందంజలో నిలిచింది.

గ్రేటర్‌ భారీ ఎత్తున పారిశ్రామిక ప్రగతిని సాధించడమే కాకుండా పరిశ్రమల సులభతర వాణిజ్యం (ఈవోడీబీ)లోనూ దేశంలో ముందంజలో నిలిచింది. సీఎం కేసీఆర్‌ తీసుకువచ్చిన విప్లవాత్మక నూతన పారిశ్రామిక విధానం (టీఎస్‌-ఐపాస్‌) సత్ఫలితాలివ్వడమే ఇందుకు కారణంగా..మరోవైపు తెలంగాణకు అంచనాలకు మించి దేశ, విదేశీ పారిశ్రామిక వేత్తల నుంచి రాష్ర్టానికి పెట్టుబడులు వెల్లువెత్తడానికి పరిశ్రమల శాఖ మంత్రి కేటీఆర్‌ చేసిన కృషి ఎంతగానో దోహదపడుతున్నది.

రాష్ట్ర వ్యాప్తంగా పరిశ్రమల పెట్టుబడులను పరిశీలిస్తే మేడ్చల్‌-మల్కాజ్‌గిరి జిల్లాలో 2,967 పరిశ్రమలు అనుమతులు పొందగా..రూ.15,460కోట్ల పెట్టుబడితో ప్రథమ స్థానంలో నిలిచింది. ఆ తర్వాతి స్థానంలో రంగారెడ్డి జిల్లా 1309 పరిశ్రమలతో నిలిచింది.