Visit:
Hyderabad Rains | హైదరాబాద్‌లో సోమవారం ఒక్కసారిగా భారీ వర్షం కురిసింది. ఉరుములు, మెరుపులు, ఈదురుగాలులతో వర్షం కురవగా.. పెనుగాలులకు పలుచోట్ల చెట్లకొమ్మలు విరిగిపడ్డాయి. గచ్చిబౌలి, మాదాపూర్‌, రాయదుర్గం, ఖైరతాబాద్‌, పంజాగుట్ట, లక్డీకపూల్‌, అమీర్‌పేట, రాజేంద్రనగర్‌, అత్తాపూర్‌, ఎస్‌ఆర్‌నగర్‌, ఎర్రగడ్డ, యూసుఫ్‌గూడ, లంగర్‌హౌస్‌, గండిపేట, శివరాంపల్లిలో భారీ వర్షం నమోదైంది. అలాగే పంజాగుట్ట, జూబ్లీహిల్స్‌, బంజారాహిల్స్‌, అమీర్‌పేట, బేగంపేట, సికింద్రాబాద్‌, గచ్చిబౌలి, మణికొండ, షేక్‌పేట, కొండాపూర్‌, హైటెక్‌ సిటీ తదితర ప్రాంతాల్లో ఒక్కసారిగా భారీ వర్షం కురిసింది. పలుచోట్ల గాలులకు చెట్ల కొమ్మలు విరిగిపడ్డాయి. ఒక్కసారి వర్షం కురవడంతో వాహనదారులు ఇబ్బందులకు గురయ్యారు. పలుచోట్ల ట్రాఫిక్‌ అంతరాయం కలిగింది.
