స్వాతంత్య్ర భారతాన సముజ్వల తెలంగాణ

తెలంగాణ జాతీయ సమైక్యతా వజ్రోత్సవాలను నియోజకవర్గంలో ఘనంగా నిర్వహించారు. మేడ్చల్‌ మున్సిపాలిటీ కార్యాలయంలో చైర్‌పర్సన్‌ దీపికానర్సింహా రెడ్డి జాతీయ జెండాను ఆవిష్కరించారు. అనంతరం మున్సిపల్‌ పారిశుధ్య సిబ్బందికి దుస్తు లు పంపిణీ చేశారు. వైస్‌ చైర్మన్‌ రమేశ్‌, కమిషనర్‌ అహ్మద్‌ సఫియుల్లా, కౌన్సిలర్లు పాల్గొన్నారు.

మేడ్చల్‌ జోన్‌, సెప్టెంబర్‌ 17 : తెలంగాణ జాతీయ సమైక్యతా వజ్రోత్సవాలను నియోజకవర్గంలో ఘనంగా నిర్వహించారు. మేడ్చల్‌ మున్సిపాలిటీ కార్యాలయంలో చైర్‌పర్సన్‌ దీపికానర్సింహా రెడ్డి జాతీయ జెండాను ఆవిష్కరించారు. అనంతరం మున్సిపల్‌ పారిశుధ్య సిబ్బందికి దుస్తు లు పంపిణీ చేశారు. వైస్‌ చైర్మన్‌ రమేశ్‌, కమిషనర్‌ అహ్మద్‌ సఫియుల్లా, కౌన్సిలర్లు పాల్గొన్నారు.

• తూంకుంట మున్సిపాలిటీలో చైర్మన్‌ రాజేశ్వర్‌రావు జాతీయ జెండాను ఆవిష్కరించారు. వైస్‌ చైర్మన్‌ వాణివీరారెడ్డి, కమిషనర్‌ జేతూరామ్‌, కౌన్సిలర్లు పాల్గొన్నారు.
• శామీర్‌పేట, మూడుచింతలపల్లి మండల పరిషత్‌ కార్యాలయాల్లో ఎంపీపీలు ఎల్లూబాయిబాబు, హారిక జెండావిష్కరణలో పాల్గొన్నారు. తాసీల్దార్‌ సురేందర్‌, డీటీ శ్రీనివాస్‌రెడ్డి, సీఐ సుధీర్‌కుమార్‌, ఎంపీడీవోలు, ఎంపీవో, ఎంఈవో పాల్గొన్నారు.
• ఘట్‌కేసర్‌ మండల పరిషత్‌ కార్యాలయం వద్ద ఎంపీపీ సుదర్శన్‌ రెడ్డి, గ్రామాల్లో సర్పంచులు పాల్గొన్నారు.
• ఘట్‌కేసర్‌ మున్సిపాలిటీ కార్యాలయం వద్ద చైర్‌పర్సన్‌ ఎం.పావనీ జంగయ్య యాదవ్‌, పోచారం మున్సిపాలిటీ కార్యాలయంలో చైర్మన్‌ కొండల్‌రెడ్డి, కౌన్సిలర్లు, నాయకులు జాతీయ జెండాను ఎగురవేశారు. కమిషనర్లు సురేశ్‌, వసంత, అధికారులు పాల్గొన్నారు.
• కీసర మండల పరిషత్‌ కార్యాలయంలో ఎంపీపీ ఇందిరాలక్ష్మీనారాయణ జెండాను ఆవిష్కరించారు. పలు ప్రభుత్వ కార్యాలయాల్లో అధికారులు, గ్రామాల్లో సర్పంచులు జెండావిష్కరణ చేశారు.

• పీర్జాదిగూడలో మేయర్‌ జక్క వెంకట్‌రెడ్డి ఆధ్వర్యంలో డిప్యూటీ మేయర్‌ శివకుమార్‌గౌడ్‌, అధికారులు త్రివర్ణ పతాకాన్ని ఆవిష్కరించి జాతీయ గీతాన్ని ఆలపించారు. అనంతరం తెలంగాణ తల్లి విగ్రహం వద్ద అమరవీరులకు నివాళులర్పించారు. ఇండియన్‌ స్వచ్ఛత లీగ్‌ కార్యక్రమంలో సుమారు వెయ్యి మందితో కలిసి భారీ ర్యాలీ నిర్వహించారు. వ్యాక్సినేషన్‌ డ్రైవ్‌ ద్వారా కొవిడ్‌-19 టీకాలను వేయించారు. కార్పొరేటర్లు, అధికారులు, సంక్షేమ సంఘా ల ప్రతినిధులు పాల్గొన్నారు.

• జవహర్‌నగర్‌కార్యాయలంలో మేయర్‌ మేకల కావ్య ఆధ్వర్యంలో జాతీయ జెండాను ఎగురవేశారు. డిప్యూటీ మేయర్‌ రెడ్డిశెట్టి శ్రీనివాస్‌, కమిషనర్‌ జ్యోతిరెడ్డి, అధికారులు కార్పొరేటర్లు,నాయకులు పాల్గొన్నారు.

తరలిన బంజారాలు..

నగరంలోని బంజారాహిల్స్‌లో నిర్మించిన బంజారా భవన్‌ను సీఎం కేసీఆర్‌ ప్రారంభిస్తున్న నేపథ్యంలో పోచారం మున్సిపాలిటీ నుంచి బంజారాలు భారీ ఎత్తున తరలివెళ్లారు. చైర్మన్‌ బి.కొండల్‌రెడ్డి ఆధ్వర్యంలో ప్రత్యేక వాహనాల్లో దాదాపు మూడు వందల మంది మహిళలు, యువకులు బయలుదేరి వెళ్లారు. వైస్‌ చైర్మన్‌ రెడ్యానాయక్‌, కౌన్సిలర్లు, కమిషనర్‌ సురేశ్‌, పార్టీ అధ్యక్షుడు సురేందర్‌ రెడ్డి, నాయకులు, కార్యకర్తలు, బంజారా ప్రతినిధులు పాల్గొన్నారు. -ఘట్‌కేసర్‌,సెప్టెంబర్‌17