మెట్రో-ఆర్టీసీ జాయింట్‌ పాస్‌

హైదరాబాద్‌ నగరంలో మెట్రో రైలు, ఆర్టీసీ బస్సులలో ప్రయాణానికి ఉమ్మడి పాస్‌ను వెంటనే ప్రవేశపెట్టాలని మెట్రో, ఆర్టీసీ యంత్రాంగాన్ని ప్రభుత్వ సీఎస్‌ సంజయ్‌ జాజు ఆదేశించారు. ఆదివారం మెట్రో కారిడార్‌లో పర్యటించిన ఆయన... పెండింగ్‌ మార్గాలు,

సిటీబ్యూరో, సెప్టెంబర్‌ 6(నమస్తే తెలంగాణ) : హైదరాబాద్‌ నగరంలో మెట్రో రైలు, ఆర్టీసీ బస్సులలో ప్రయాణానికి ఉమ్మడి పాస్‌ను వెంటనే ప్రవేశపెట్టాలని మెట్రో, ఆర్టీసీ యంత్రాంగాన్ని ప్రభుత్వ సీఎస్‌ సంజయ్‌ జాజు ఆదేశించారు. ఆదివారం మెట్రో కారిడార్‌లో పర్యటించిన ఆయన… పెండింగ్‌ మార్గాలు, మెట్రో సేవల విస్తరణ, ఆర్టీసీ-మెట్రో శాఖల మధ్య సమన్వయంపై అధికారులు బేగంపేట్‌లోని మెట్రో భవన్‌లో సుదీర్ఘంగా చర్చించారు.

అనంతరం ఓల్డ్‌ సిటీ మెట్రో పనుల పురోగతి, టెండర్ల ప్రక్రియను ఆరా తీశారు. ఈ క్రమంలో తక్షణమే నగరంలో మెట్రో-ఆర్టీసీ బస్‌ పాస్‌ అమలులోకి తీసుకువచ్చేందుకు ఇరు విభాగాలు సమన్వయం చేసుకోవాలని సూచించారు. కార్యక్రమంలో మెట్రో ఎండీ సర్ఫరాజ్‌ అహ్మద్‌, మెట్రో, ఆర్టీసీ, వాటర్‌ బోర్డు అధికారులు సమావేశంలో ఉన్నారు.