ఏడు రోజులు.. 2,932 కాలనీలు

• ప్రణాళికాబద్ధమైన అభివృద్ధి దిశగా అడుగులు
• పట్టణ ప్రగతితో మెరుగవుతున్న పరిసరాలు

సిటీబ్యూరో, జూన్‌ 9(నమస్తే తెలంగాణ): గ్రేటర్‌ హైదరాబాద్‌ నగరంలో పట్టణ ప్రగతి కార్యక్రమం ప్రణాళికబద్ధమైన అభివృద్ధికి దోహదపడుతున్నది. ప్రజల భాగస్వామ్యంతో అధికారులు, ప్రజాప్రతినిధులు కలిసి అభివృద్ధికి అవసరమైన పనులను చేపట్టేందుకు తాత్కాలిక, దీర్ఘకాలిక ప్రయోజనం కోసం ప్రణాళికలు రూపొందించి అమలు చేస్తున్నారు. ప్రధానంగా పరిసరాలను పరిశుభ్రం చేయడమే పట్టణ ప్రగతి ముఖ్య ఉద్దేశమని అధికారులు తెలిపారు. పట్టణ ప్రగతి కార్యక్రమాన్ని ఏడో రోజైన గురువారం గ్రేటర్‌ వ్యాప్తంగా విజయవంతం అయ్యింది. పారిశుద్ధ్య నిర్వహణ, మొకలు నాటే స్ధలాల గుర్తింపు, పట్టణ క్రీడా ప్రాంగణాల ఏర్పాటు, నాలా పూడిక తీత, గుంతలు పూడ్చడం లాంటి పనులు చేపట్టారు. 30 సర్కిళ్లలో 150 వార్డులలో 404 కాలనీలలో పట్టణ ప్రగతి కార్యక్రమం చేపట్టి ప్రజా సమస్యల పరిష్కారానికి కృషి చేశారు. ఏడు రోజుల వ్యవధిలో 2,932 కాలనీలలో పట్టణ ప్రగతి కార్యక్రమం పూర్తి చేసినట్లు అధికారులు పేర్కొన్నారు.

ఏడో రోజు చేపట్టిన కార్యక్రమాలు..

• 7,282 మెట్రిక్‌ టన్నుల పారిశుద్ధ్యం, 2,466 టన్నుల భవన వ్యర్థాలను తొలగించారు.
• 156 కిలో మీటర్ల మేర రోడ్డు పకనున్న ముళ్ల పొదల తొలగింపు
• డ్రైనేజీ, నాలాలో 17 కిలోమీటర్లు మేర పూడికను తొలగించారు.
• 5,529 ప్రాంతాల్లో స్ప్రేయింగ్‌, ఫాగింగ్‌, 126 మంచినీటి ట్యాంక్‌లు, పరిసరాలను శుభ్రం చేశారు.
• 61 పారుల ఆవరణలో శుభ్రత చర్యలు, 100 కమ్యూనిటీ స్థలాలు, ప్రభుత్వ విద్యాలయాలు, ప్రభుత్వ భవన సముదాయాలు పరిశుభ్రం చేశారు.
• 1117 మరుగుదొడ్లను శుభ్రం చేయడం, 38 వైకుంఠ ధామాలు, శ్మశాన వాటికల్లో ఉన్న వ్యర్థాలను తొలగించి శుభ్రపర్చారు.

ఎంటమాలజీ..

• 1,02,308 ఇళ్లల్లో యాంటీ లార్వా చర్యలు, 1,12,675 లక్షల ఇళ్లల్లో ఫాగింగ్‌ చేశారు.

గ్రీనరీ…

• 2,549 మొకలు నాటారు. 1,191 మీటర్లు రోడ్డు మధ్యలో (మీడియన్‌ ప్లాంటేషన్‌) మొకలు, కిలో మీటర్‌ మేర అవెన్యూ ప్లాంటేషన్‌ చేపట్టారు.
• 8,555 ఇళ్లకు మొకలను పంపిణీ చేశారు. కిలో మీటర్ల రోడ్డు మార్గంలో మల్టీ లెవల్‌ అవెన్యూ ప్లాంటేషన్‌ చేపట్టారు.
• పరిసర ప్రాంతాలలో గ్రీనరీ అభివృద్ధికి కృషి చేసిన రెండు జంటలకు సన్మానం చేశారు.