తప్పిన పెను ప్రమాదం

మీర్‌పేట మున్సిపల్‌ కార్పొరేషన్‌ పరిధిలోని శక్తి నగర్‌లో గాలివానకు చెట్టు కూలి ఇండ్లు, విద్యుత్‌ వైర్లపై పడటంతో ప్రజలు భయబ్రాంతులకు గురయ్యారు. స్థానికుల సమాచారం మేరకు అధికారులు విద్యుత్‌ సరఫరాను నిలిపివేశారు. స్పందించిన మున్సిపల్‌ కార్పొరేషన్‌ కమిషనర్‌ నాగేశ్వర్‌ మున్సిపల్‌ సిబ్బంది

ఇండ్లపై కూలిన చెట్టు పక్కనే ఉన్న విద్యుత్‌ వైర్లు
తొలగించిన మున్సిపల్‌ అధికారులు

బడంగ్‌పేట, జూలై 13: మీర్‌పేట మున్సిపల్‌ కార్పొరేషన్‌ పరిధిలోని శక్తి నగర్‌లో గాలివానకు చెట్టు కూలి ఇండ్లు, విద్యుత్‌ వైర్లపై పడటంతో ప్రజలు భయబ్రాంతులకు గురయ్యారు. స్థానికుల సమాచారం మేరకు అధికారులు విద్యుత్‌ సరఫరాను నిలిపివేశారు. స్పందించిన మున్సిపల్‌ కార్పొరేషన్‌ కమిషనర్‌ నాగేశ్వర్‌ మున్సిపల్‌ సిబ్బంది, విద్యుత్‌ అధికారులతో మాట్లాడి చెట్లను తొలగించారు. దీంతో పెను ప్రమాదం తప్పింది. ఎవరికి ఎలాంటి ప్రమాదం జరగక పోవడంతో అధికారులు ఊపిరి పీల్చుకున్నారు.

బాబూ జగ్జీవన్‌రామ్‌ భవనం ఆవరణలో..
ఆర్కేపురం, జూలై 13 : భారీ ఈదురు గాలులు.. వర్షాలతో కొత్తపేటలోని బాబూ జగ్జీవన్‌రామ్‌ భవనం ఆవరణలోని భారీ వృక్షం నేలకొరిగింది. ఆ సమయంలో అక్కడ ఎవరూ లేకపోవడంతో ఎలాంటి ప్రాణ, ఆస్తి నష్టం జరుగలేదు. హాల్‌ ఇన్‌చార్జి రాజు సరూర్‌నగర్‌ సర్కిల్‌ ఉప కమిషనర్‌ హరికృష్ణయ్య సమాచారం ఇవ్వడంతో మున్సిపల్‌ సిబ్బందిని పంపించి చెట్టును అక్కడ నుంచి తొలగించారు.