హెచ్‌టీ విద్యుత్‌ కనెక్షన్ల జారీ మరింత సులభం

దక్షిణ తెలంగాణ విద్యుత్‌ పంపిణీ సంస్థ తమ వినియోగదారులకు సమర్థవంతమైన, పారదర్శకమైన సేవలను త్వరితగతిన అందించేందుకు 33 కేవీ కొత్త హెచ్‌టీ సర్వీసు దరఖాస్తుల కోసం ఆటో ఎస్టిమేట్‌ సాఫ్ట్‌వేర్‌ను అభివృద్ధి చేసిందని ఎస్పీడీసీఎల్‌ సీఎండీ ముషారఫ్‌ ఫరూఖీ తెలిపారు.

• సీఎండీ ముషారఫ్‌ ఫరూఖీ

సిటీబ్యూరో: దక్షిణ తెలంగాణ విద్యుత్‌ పంపిణీ సంస్థ తమ వినియోగదారులకు సమర్థవంతమైన, పారదర్శకమైన సేవలను త్వరితగతిన అందించేందుకు 33 కేవీ కొత్త హెచ్‌టీ సర్వీసు దరఖాస్తుల కోసం ఆటో ఎస్టిమేట్‌ సాఫ్ట్‌వేర్‌ను అభివృద్ధి చేసిందని ఎస్పీడీసీఎల్‌ సీఎండీ ముషారఫ్‌ ఫరూఖీ తెలిపారు. ఈ విధానంలో ముందుగా నూతన హెచ్‌టీ సర్వీసుకు దరఖాస్తు చేసిన తరువాత హై టెన్షన్‌ కన్స్యూమర్‌ సర్వీస్‌ కనెక్షన్‌ సిస్టం జీఐఎస్‌ కో ఆర్డినేట్లను సేకరించి ఆ వివరాలను సాసా యాప్‌ ద్వారా నేరుగా సంస్థ ప్రధాన కార్యాలయంలోని చీఫ్‌ ఇంజినీర్‌ కమర్షియల్‌కు పంపుతుందన్నారు.

ఈ సమాచారం కార్పొరేట్‌ ఆఫీస్‌కు అందగానే యాప్‌ ద్వారా నేరుగా ఎస్టిమేట్‌ రూపొందిస్తారని, ఎస్టిమేట్‌ ఆమోదం తర్వాత డిమాండ్‌ నోటీసు ఆటోమేటిక్‌గా జనరేట్‌ అవుతుందని తెలిపారు. ఆ వివరాలు వినియోగదారుడికి ఎస్‌ఎంఎస్‌, ఈ మెయిల్‌ ద్వారా పంపిస్తామని, ఆటో ఎస్టిమేట్‌ ఆమోదం అయిన విషయాన్ని సంబంధిత ఏడీఈ , డీఈ, ఎస్‌ఈ ఆపరేషన్‌ సిబ్బందికి ఎస్‌ఎంఎస్‌ ద్వారా తెలియజేస్తారన్నారు.