హైదరాబాద్: హైదరాబాద్లోని బంజారాహిల్స్ (Banjara hills) పోలీస్ స్టేషన్లో హిట్ అండ్ రన్ కేసు (Hit and Run Case) నమోదయింది. టోలిచౌకిలోని (Tolichowki) పారామౌంట్ కాలనీలో (Paramount colony) సూడాన్ (Sudan) దేశస్థులు తమ కారుతో ఓ బాలుడిని ఢీకొట్టారు. అనంతరం అక్కడినుంచి కారుతోపాటు తప్పించుకోవడానికి ప్రయత్నించారు. దీంతో స్థానికులు కారును పట్టుకుని ధ్వంసం చేశారు. సమాచారం అందుకున్న పోలీసులు ఆలస్యంగా సంఘటన స్థలానికి చేరుకున్నారు. కారు నడిపిన ఎన్ఆర్ఐ పై కేసు నమోదుచేసి దర్యాప్తు చేస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉన్నది.