Visit:
హైదరాబాద్, మే 07 : గ్రేటర్ హైదరాబాద్ మున్సిపల్ కార్పొరేషన్ (GHMC) ప్రతి సంవత్సరం సమ్మర్ కోచింగ్ క్యాంప్ నిర్వహణ ద్వారా విపరీతమైన ప్రజాదరణ పొందుతోంది. 6 నుండి 16 సంవత్సరాల వయస్సు గల పిల్లలకు ప్రసిద్ధ క్రీడల్లో ప్రాథమిక నైపుణ్యాల బోధనకు విస్తారమైన అవకాశాలను అందిస్తుంది. జీహెచ్ఎంసీ స్పోర్ట్స్ విభాగం 44 క్రీడా విభాగాల్లో విస్తృత శ్రేణి కార్యకలాపాలను నిర్వహిస్తుంది. వీటిని 29 మల్టీ-స్పోర్ట్స్ కాంప్లెక్స్‌లు, 13 స్విమ్మింగ్ పూల్స్, 521 ప్లే గ్రౌండ్‌లలో నిర్వహిస్తున్నారు. ఈ శిబిరాలకు 77 మంది పార్ట్-టైమ్ కోచ్‌లు, 76 మంది స్విమ్మింగ్ కోచ్‌లు-కమ్-లైఫ్‌గార్డ్‌లు అలాగే జీహెచ్ఎంసీ ఆరు జోన్ల‌లో దాదాపు 800 మంది గౌరవ కోచ్‌లు మద్దతు ఇస్తున్నారు.
జీహెచ్ఎంసీ సమ్మర్ కోచింగ్ క్యాంప్‌లో రోలర్ స్కేటింగ్ అత్యంత ప్రజాదరణ పొందింది. గ్రేటర్ హైదరాబాద్ అంతటా 915 కేంద్రాల్లో నిర్మాణాత్మక రోలర్ స్కేటింగ్ లో శిక్షణను అందిస్తుంది.
సమయం : ఉదయం 6:15 నుండి 8:15 గంట‌ల వరకు
లక్ష్యం : వేసవి సెలవుల్లో పిల్లలలో శారీరక శ్రమ, నైపుణ్యాభివృద్ధిని ప్రోత్సహించడం అలాగే విద్యా ఒత్తిడిని తగ్గించడం.
స్కేటింగ్ కోసం నమోదు
https://sports.ghmc.gov.in వెబ్‌సైట్‌కు లాగిన్ అయి పేర్లు నమోదు చేసుకోవ‌చ్చు.
Roller Skating Training జీహెచ్ఎంసీ సమ్మర్ కోచింగ్ క్యాంప్‌లో స్కేటింగ్ శిక్ష‌ణ
