సీఎస్‌ఆర్‌ పద్ధతిలో.. చెరువుల అభివృద్ధి

జీహెచ్‌ఎంసీ స్టాండింగ్‌ కమిటీ సమావేశం బుధవారం మేయర్‌ గద్వాల్‌ విజయలక్ష్మి అధ్యక్షతన జరిగింది. నూతనంగా ఎన్నికైన స్టాండింగ్‌ కమిటీ సభ్యులకు మేయర్‌ సాదరంగా స్వాగతం పలికి మొక్కలను అందజేశారు.

• పారిశుద్ధ్యం, అడ్వైర్టెజ్‌మెంట్‌పై రెండు అడ్‌హక్‌ కమిటీలు
• నగరాభివృద్ధికి కలిసికట్టుగా పనిచేయాలి
• స్టాండింగ్‌ కమిటీ తొలి సమావేశంలో 14 అంశాలకు ఆమోదం
• నగరాభివృద్ధికి కలిసికట్టుగా పనిచేయాలి
• స్టాండింగ్‌ కమిటీ సభ్యులతో మేయర్‌ విజయలక్ష్మి

సిటీబ్యూరో, మార్చి 6 (నమస్తే తెలంగాణ) : జీహెచ్‌ఎంసీ స్టాండింగ్‌ కమిటీ సమావేశం బుధవారం మేయర్‌ గద్వాల్‌ విజయలక్ష్మి అధ్యక్షతన జరిగింది. నూతనంగా ఎన్నికైన స్టాండింగ్‌ కమిటీ సభ్యులకు మేయర్‌ సాదరంగా స్వాగతం పలికి మొక్కలను అందజేశారు. అనంతరం అధికారులు, స్టాండింగ్‌ కమిటీ సభ్యుల పరిచయ కార్యక్రమం జరిగింది. స్టాండింగ్‌ కమిటీకి అత్యంత ప్రాముఖ్యత ఉన్నదని మేయర్‌ అన్నారు. నిర్మాణాత్మక, ప్రజోపయోగమైన నిర్ణయాలు తీసుకొని నగరాభివృద్ధికి కలిసికట్టుగా పనిచేయాలని కోరారు.

ఈ సమావేశంలో స్టాండింగ్‌ కమిటీ సభ్యులు ఆవుల రవీందర్‌రెడ్డి, ఉప్పలపాటి శ్రీకాంత్‌, కంది శైలజ, మహమ్మద్‌ గౌస్‌ ఉద్దీన్‌, చింతల విజయశాంతి, పొడవు అర్చన, ఫహ్లాద్‌ బిన్‌ అబ్ధుల్‌ సమద్‌ బిన్‌ అబ్దత్‌, బన్నాల గీత ముదిరాజ్‌, మన్నె కవితారెడ్డి, మహమ్మద్‌ ఖాదీర్‌, మహమ్మద్‌ నసీరుద్దీన్‌, మహమ్మద్‌ ముజాఫర్‌ హుస్సేన్‌, రఫత్‌ సుల్తానా, షహీన్‌ బేగం, సబీహ బేగం పాల్గొన్నారు.

స్టాండింగ్‌ కమిటీలో ఆమోదించిన అంశాల్లో ప్రధాన మైనవి

• జీహెచ్‌ఎంసీలో పారిశుద్ధ్యం, అడ్వైర్టెజ్‌మెంట్‌పై రెండు అడ్‌హక్‌ కమిటీల ఏర్పాటు
• తదుపరి స్టాండింగ్‌ కమిటీ సమావేశం బుధవారం, పార్లమెంట్‌ ఎన్నికల తర్వాత ప్రతి గురువారం నిర్వహించాలని కమిటీ నిర్ణయించింది.
• జీహెచ్‌ఎంసీలో ప్రాపర్టీ, యుటిలిటీల గుర్తింపునకు జీఐఎస్‌ బేస్ట్‌ సర్వే మ్యాపింగ్‌ అమలుకు ఆమోదం
• కూకట్‌పల్లి మండలం ఎల్లమ్మ చెరువు నుంచి డ్రైనేజీ గతంలో ప్రతిపాదించిన 1200 ఎంఎం డయా పైపులైన్‌కు మొత్తం రూ.274 లక్షల మంజూరుకాగా అవే నిధులతో 1600 ఎంఎం పైపులైన్‌ వేసేందుకు ఆమోదం.
• నానక్‌రాంగూడ రంగలాల్‌కుంట అభివృద్ధి, హఫీజ్‌పేట్‌ కొత్తకుంట చెరువు అభివృద్ధి, మూసాపేట ముళ్ల కత్వ చెరువు అభివృద్ధి, గచ్చిబౌలి బర్లకుంట చెరువు పునరుద్ధరణ, కొత్తగూడ నేరెళ్లకుంట చెరువు పునరుద్ధరణ, నిర్వహణ, యునైటెడ్‌ వే ఆఫ్‌ హైదరాబాద్‌, నిర్మాణ్‌ ఆర్గనైజేషన్‌ పద్ధతిలో సీఎస్‌ఆర్‌ కింద ఎంఓయూ కుదుర్చుకున్నారు.
• మూసారంబాగ్‌ మూసీ నదిపై హైలెవల్‌ బ్రిడ్జి నిర్మాణంలో భాగంగా అలీకేఫ్‌, అంబర్‌పేట నుంచి ముసారంబాగ్‌ స్పైస్‌ రెస్టారెంట్‌ వరకు, అలీ కేఫ్‌ ఎక్స్‌రోడ్‌ అంబర్‌పేట్‌ నుంచి ముసారంబాగ్‌ బ్రిడ్జి, అజామాబాద్‌ డివిజన్‌కు యుటిలిటీల షిఫ్టింగ్‌కు అంచనా వ్యయం మొత్తం రూ.3,97,32,391లకు పరిపాలన అనుమతికి సిఫారసు చేస్తూ కమిటీ ఆమోదించింది.
• ఎల్బీనగర్‌ సర్కిల్‌ బైరమల్‌గూడ చెరువు నుంచి సరూర్‌నగర్‌ చెరువు వరకు వర్షపు నీటి కాలువ నిర్మాణానికి రివైజ్డ్‌ అంచనా మేరకు రూ.588 లక్షలకు అదనంగా రూ.10.52 లక్షలకు కమిటీ ఆమోదం