Osmania University | వాయిదా పడిన డిగ్రీ పరీక్ష తేదీల ఖరారు

ఉస్మానియా యూనివర్సిటీ, జూన్‌ 6 : ఉస్మానియా యూనివర్సిటీ పరిధిలో వాయిదా పడిన డిగ్రీ కోర్సుల పరీక్షా తేదీలను ఖరారు చేసినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్‌ ప్రొఫెసర్‌ నగేశ్‌ ఒక ప్రకటనలో తెలిపారు. ఈ నెల నాలుగవ తేదీన యూపీఎస్సీ సివిల్‌ సర్వీసెస్‌ ప్రిలిమినరీ పరీక్షలు జరిగిన నేపథ్యంలో ఆ రోజు నిర్వహించాల్సిన పరీక్షను వాయిదా వేసినట్లు చెప్పారు.

ఆ పరీక్షను తిరిగి నిర్వహించే తేదీలను ఖరారు చేశామని పేర్కొన్నారు. పరీక్ష తేదీ, సమయంలలో ఎటువంటి మార్పు ఉండబోదని స్పష్టం చేశారు. ఆ పరీక్షను తిరిగి నిర్వహించే తేదీలను ఓయూ వెబ్‌సైట్‌ www.osmania.ac.inలో చూడొచ్చన్నారు.