రాత్రి వేళల్లో ప్రయాణాలతో జర జాగ్రత్త

శీతాకాలంలో చలితీవ్రత, పొగమంచు కారణంగా వాహనదారులు తగిన జాగ్రత్తలు తీసుకోవాలి.. చీకటి వేళల్లో పొగమంచు కారణంగా ప్రమాదాలు జరిగే అవకాశాలు ఎక్కువగా ఉంటాయి.. ఆ సమయంలో దగ్గరి దగ్గరి వాహనాలే కన్పించవు.. ఒక వాహనా నికి మరో వాహనం కన్పించక ప్రమాదాలు జరుగుతుంటాయి. జాతీయ, రాష్ట్ర రహదారులపై రాకపోకలు సాగించేవారు ఈ విషయంలో తగు జాగ్రత్తలు తీసుకోవాల్సిన అవసరముంటుంది. ప్రమాదాలు రాత్రి వేళల్లోనే ఎక్కువగా జరు గుతుంటాయి..

• పొగమంచుతో ప్రమాదాలు ఎక్కువ..
• అతివేగం, మద్యం మత్తులో ప్రయాణం వద్దు..
• రోడ్డు భద్రతా నియమాలు పాటించాలి..
• జీరో అవర్‌లో స్పందించే వారికి రూ.25 వేల నజరానా
• రాచకొండ సీపీ సుధీర్‌బాబు

సిటీబ్యూరో, నవంబర్‌ 19 (నమస్తే తెలంగాణ): శీతాకాలంలో చలితీవ్రత, పొగమంచు కారణంగా వాహనదారులు తగిన జాగ్రత్తలు తీసుకోవాలి.. చీకటి వేళల్లో పొగమంచు కారణంగా ప్రమాదాలు జరిగే అవకాశాలు ఎక్కువగా ఉంటాయి.. ఆ సమయంలో దగ్గరి దగ్గరి వాహనాలే కన్పించవు.. ఒక వాహనా నికి మరో వాహనం కన్పించక ప్రమాదాలు జరుగుతుంటాయి. జాతీయ, రాష్ట్ర రహదారులపై రాకపోకలు సాగించేవారు ఈ విషయంలో తగు జాగ్రత్తలు తీసుకోవాల్సిన అవసరముంటుంది. ప్రమాదాలు రాత్రి వేళల్లోనే ఎక్కువగా జరు గుతుంటాయి.. పొగమంచు వేళ మరింత అప్రమత్తంగా ఉండాల్సిన అవసరముంటుంది… ఈ విషయంలో వాహనాలు వాహనదారులు రోడ్డు ప్రమాదా లను నివారించేందుకు ముందస్తు జాగ్రత్తలు తీసుకోవాలని రాచకొండ పోలీసులు సూచిస్తున్నారు.

అప్రమత్తతోనే ప్రమాదాలకు చెక్‌..

• వాహన ప్రమాదాలు ఎక్కువగా అతివేగంతోనే జరుగుతుంటాయి. వాహనం నడిపే ప్రతి ఒక్కరూ వేగ పరిమితికి లోబడి తమ వాహనాలు నడపడంతో వాహనం తమ అధీనంలో ఉండి, ఎలాంటి పరిస్థితిలోనైనా అదుపు చేసేందుకు అవకాశముంటుంది.
• మద్యం సేవించి డ్రైవింగ్‌ చేయవద్దు. మద్యం మత్తులో వాహనం నడపడంతో వాహన వేగం పెరిగేందుకు అవకాశముంటుంది. మెదడులో చురుకుదనం తగ్గుతుంది. మద్యం మత్తులో వాహనం నడపడం అంటే సూసైడ్‌ బాంబర్‌ లాంటింది. వాహనం నడుపుతున్న వారితోపాటు అందులో ఉన్నవారికి రోడ్డుపై వెళ్లే పాదచారులకు, ఇతర వాహనదారులకు కూడా ప్రమాదమే.
• ద్విచక్రవాహనదారులు హెల్మెట్‌ ధరించడం.. కారు, ఇతర వాహనాలు నడిపేవారు తప్పని సరిగా సీట్‌ బెల్ట్‌ ధరించాలి.
• మొబైల్‌ మాట్లాడుతూ వాహనం నడపడం కూడా ప్రమాదాలను కొనితె స్తుంది. వాహనం నడిపే సమయంలో డ్రైవింగ్‌పైనే దృష్టి ఉండాలి. ఫోన్లో మాట్లాడే సమయంలో డ్రైవింగ్‌పై ధ్యాస కోల్పోయి వాహనంపై పట్టుతప్పే అవకాశా లుంటాయి. బ్లూటూత్‌, హ్యాండ్‌ ఫ్రీ ఉపయోగించేవారు సైతం వాడకపోవడం మంచిది.
• ట్రాఫిక్‌ నియమాలు పాటిస్తూ సిగ్నల్‌ లైట్స్‌, జీబ్రా క్రాసింగ్‌, వన్‌ వే నిబంధనలను తప్పనిసరిగా పాటించాలి.
• వాహనాల్లో ప్రయాణంచేసేవారు.. తమ వాహనానికి సంబంధించిన బ్రేకులు, లైట్లు, టైర్లను ఎప్పటికప్పుడు పర్యవేక్షించుకోవాలి. ఏవైనా లోపాలుంటే వెంటనే వాటికి మరమ్మతులు చేయాలి. రాత్రి వేళల్లో ప్రయాణించేవారు మరిన్ని జాగ్రత్తలు తీసుకోవాలి.
• వాహనాల్లో పిల్లలను సురక్షితంగా కూర్చొబెట్టాలి, స్కూల్‌ బస్సులు భద్రతా ప్రమాణాలను తప్పనిసరిగా పాటించాలి.
• డ్రైవర్లు రాత్రిపూట నిద్రమత్తులో వాహనం నడపొద్దు. డ్రైవర్లు ప్రతి సంవత్స రం కంటి పరీక్షలు, ఆరోగ్య పరీక్షలు చేయించుకోవాలి. ప్రతి వాహనంలో ఫస్ట్‌ఎయిడ్‌ కిట్లు పెట్టుకోవాలి.
• రాత్రి సమయాల్లో వాహనాలను రోడ్డు పక్కన నిలుపొద్దు. ప్రమాదాలు జరిగే ప్రదేశాలు(బ్లాక్‌ స్పాట్స్‌)లలో వాహనదారులు తగిన జాగ్రత్తలు తీసుకోవా లి. రోడ్డుపై వాహనానికి ఏదైనా మెకానికల్‌ సమస్యవస్తే త్రికోణ ఆకారం రేడియం స్టిక్కర్‌ ఉన్న బోర్డును అక్కడ ఏర్పాటు చేసుకోవాలి. హైబీమ్‌ లైట్లు వాడకుండా, లోబీమ్‌ లైట్లు మాత్రమే ఉపయోగించాలి, సడన్‌ బ్రేక్‌లు వేయకుండా జాగ్రత్తలు తీసుకోవాలి. మలుపు తిరిగే సమయాల్లో తప్పనిసరిగా ఇండికేటర్లు ఉపయోగించాలి.
• రాత్రి, తెల్లవారుజామున ప్రయాణాలు వీలైనంత వరకు తగ్గించుకోవాలి. ఆ సమయంలో పొగమంచు తీవ్రత ఎక్కువగా ఉంటుంది. చలి తీవ్రత కారణంగా చేతులకు గ్లౌస్‌లు తప్పనిసరిగా ధరించాలి. చేతులు చల్లబడి వాహనం నియంత్రణ తగ్గే అవకాశాలుంటాయి. డిఫాగర్‌ ఉపయోగించడం, విండోలను కొద్దిగా తెరిచి ఫాగింగ్‌ నివారించుకోవాలి.
• హాజర్డ్‌ లైట్లు విజిబిలిటి తక్కువగా ఉన్నప్పుడు వాడాలి. పొగమంచు లేదా కర్వ్‌ ప్రాంతాల్లో ఓవర్‌టేక్‌ చేయవద్దు. లైన్‌ మార్కింగ్‌లు, రోడ్‌ రిఫ్లెక్టర్లను గమనిస్తూ నడపాలి. వైపర్స్‌, లైట్లు సరిగ్గా పనిచేస్తున్నాయో లేదో ముందుగానే తనిఖీ చేసుకోవాలి.
• పాదచారులు కూడా జీబ్రా క్రాసింగ్‌, ఫుట్‌పాత్‌లను వినియోగించాలి. రోడ్డు దాటే సమయాల్లో రెండు వైపులా చూసి ముందుకు వెళ్లాలి.

సహాయం చేసిన వారికి రూ. 25 వేలు ..
రోడ్డు ప్రమాదాలను నివారించేందుకు అవగాహన కార్యక్రమాలు నిర్వహిస్తు న్నాం. శీతాకాలంలో చలితీవ్రత, పొగమంచు కారణంగా వాహనదారులు తగిన జాగ్రత్తలు తీసుకోవాలి. రోడ్డు ప్రమాదం జరిగిన వెంటనే ఒక గంటలోపల బాధితులకు ఎవరైనా దగ్గరలో ఉన్న హాస్పిటల్‌లో చేర్పించి వాళ్ల ప్రాణాలను కాపాడితే కేంద్ర ప్రభుత్వం ప్రవేశపెట్టిన గుడ్‌ సమారిటన్‌ పథకం కింద రూ. 25 వేల నగదును సదరు వ్యక్తులకు అందిస్తాం. వాహనాలు నడిపేవారు రోడ్డు భద్రతను బాధ్యతగా భావించి నియమ నిబంధనలు పాటించడంతో ప్రమాదాలు గణనీయంగా తగ్గించవచ్చు. పోలీసు శాఖ, ప్రజలు కలిసి పనిచేస్తే సురక్షితమైన రహదారులను నిర్మించడం సాధ్యమవుతుంది.
– సుధీర్‌బాబు, రాచకొండ సీపీ