ఔటర్‌పై హిట్‌ అండ్‌ రన్‌ ఆర్మీ జవాన్‌ దుర్మరణం
హిట్‌ అండ్‌ రన్‌.. నార్సింగి ఔటర్‌ రింగ్‌ రోడ్డుపై వేగంగా దూసుకొచ్చిన కారు..ఆర్మీ జవాన్‌ను ఢీకొట్టి వెళ్లిపోయింది. గాయపడిన జవాన్‌ అక్కడికక్కడే మృతిచెందాడు. సీసీ ఫుటేజీ ఆధారంగా పోలీసులు దర్యాప్తు చేపట్టారు.
- ఢీకొట్టి పరారైన కారు డ్రైవర్‌
- సీసీ పుటేజీ ఆధారంగా దర్యాప్తు
మణికొండ, మార్చి 4: హిట్‌ అండ్‌ రన్‌.. నార్సింగి ఔటర్‌ రింగ్‌ రోడ్డుపై వేగంగా దూసుకొచ్చిన కారు..ఆర్మీ జవాన్‌ను ఢీకొట్టి వెళ్లిపోయింది. గాయపడిన జవాన్‌ అక్కడికక్కడే మృతిచెందాడు. సీసీ ఫుటేజీ ఆధారంగా పోలీసులు దర్యాప్తు చేపట్టారు. ఈ ఘటన సోమవారం నార్సింగి పోలీస్‌స్టేసన్‌ పరిధిలో జరిగింది. రాందేవ్‌గూడ ఆర్టిలరీ సెంటర్‌లో జవాన్‌గా విధులు నిర్వహిస్తున్న కులాన్‌(34) నార్సింగి సమీపంలోని ఔటర్‌ రింగ్‌ రోడ్డును దాటుతుండగా, గచ్చిబౌలి నుంచి శంషాబాద్‌ ఎయిర్‌పోర్టు వెళ్తున్న కారు ఢీకొట్టి వెళ్లిపోయింది.
ఈ ప్రమాదంలో కులాన్‌ దుర్మరణం చెందాడు. పోలీసులు ఘటనాస్థలికి చేరుకొని.. ఐడెంటీ కార్డు ఆధారంగా మృతుడు జవాన్‌ కులాన్‌గా గుర్తించారు. ఘటనకు కారణమైన కారును గుర్తించేందుకు పోలీసులు ఆ మార్గంలో ఉన్న సీసీ పుటేజీలను పరిశీలిస్తున్నారు. ఇదిలా ఉండగా..రోడ్డు ప్రమాదంలో చనిపోయిన ఆర్మీ జవాన్‌ కులాన్‌ విధి నిర్వహణలో భాగంగా అక్కడికి వచ్చాడా..ఇతర కారణాలు ఏమైనా ఉన్నాయా.. అన్న కోణంలో కూడా దర్యాప్తు చేస్తున్నారు.
Read Today's Latest Hyderabad News in Telugu and Telugu News
- Follow Us :
-
