జాతీయ జిమ్నాస్టిక్స్‌ చాంప్‌.. అలహాబాద్‌ ఖేల్‌గావ్‌ పబ్లిక్‌ స్కూల్‌
సీబీఎస్‌ఈ జాతీయ జిమ్నాస్టిక్స్‌ అంతర్‌ పాఠశాలల చాంపియన్‌షిప్‌ టైటిల్‌ను అలహాబాద్‌ ఖేల్‌గావ్‌ పబ్లిక్‌ స్కూల్‌ సొంతం చేసుకుంది. నోయిడా శివ నాడార్‌ స్కూల్‌, ఆగ్రా గ్రాయత్రి పబ్లిక్‌ స్కూల్‌ జట్లు రెండు, మూడు స్థానాలను దక్కించుకున్నాయి
హైదరాబాద్‌, ఆట ప్రతినిధి, డిసెంబర్‌ 25 : సీబీఎస్‌ఈ జాతీయ జిమ్నాస్టిక్స్‌ అంతర్‌ పాఠశాలల చాంపియన్‌షిప్‌ టైటిల్‌ను అలహాబాద్‌ ఖేల్‌గావ్‌ పబ్లిక్‌ స్కూల్‌ సొంతం చేసుకుంది. నోయిడా శివ నాడార్‌ స్కూల్‌, ఆగ్రా గ్రాయత్రి పబ్లిక్‌ స్కూల్‌ జట్లు రెండు, మూడు స్థానాలను దక్కించుకున్నాయి. ఆదివారం గచ్చిబౌలిలోని ది గౌడియం స్కూల్‌లో సీబీఎస్‌ఈ జిమ్నాస్టిక్స్‌ జాతీయ చాంపియన్‌షిప్‌ ముగింపు కార్యక్రమానికి ముఖ్యఅతిథిగా తెలంగాణ ఒలింపిక్స్‌ అసోసియేషన్‌ అధ్యక్షుడు, ఐటీ, ఇన్ఫర్మేషన్‌ టెక్నాలజీ శాఖ కార్యదర్శి జయేశ్‌ రంజన్‌ పాల్గొని బహుమతులు అందజేశారు.
అనంతరం ఆయన మాట్లాడుతూ.. క్రీడల అభివృద్ధికి రాష్ట్ర ప్రభుత్వం కట్టుబడి ఉన్నదన్నారు. తెలంగాణ ఒలింపిక్స్‌ అసోసియేషన్‌ కోశాధికారి, తెలంగాణ జిమ్నాస్టిక్స్‌ అసోసియేషన్‌ ప్రధాన కార్యదర్శి కె.మహేశ్వర్‌ సాగర్‌ మాట్లాడుతూ.. కొత్త కోచ్‌ల నియామకం చేపట్టాలన్నారు. ఈ కార్యక్రమంలో రంగారెడ్డి జిల్లా జిమ్నాస్టిక్స్‌ అసోసియేషన్‌ ప్రధాన కార్యదర్శి విజయ్‌పాల్‌ రెడ్డి, తెలంగాణ సంఘం ప్రతినిధులు డాక్టర్‌ రామ్మోహన్‌ రెడ్డి, ప్రభు పటేల్‌, రామకృష్ణా రెడ్డి తదితరులు బహుమతులు అందజేశారు.
Read Today's Latest Hyderabad News in Telugu and Telugu News
- Follow Us :
-
