రన్నింగ్‌లో రైలు ఎక్కుతూ.. జారిపడిన మహిళ
బేగంపేట్‌ రైల్వే స్టేషన్‌లో బుధవారం ఉదయం కదిలిన రైలును ఎక్కే ప్రయత్నంలో ప్రమాదవశాత్తు రైలు కింద పడిపోతున్న ఒక మహిళా ప్రయాణికురాలిని అక్కడే విధుల్లో ఉన్న ఆర్‌పీఎఫ్‌ మహిళా కానిస్టేబుల్‌ కుమారి సునీత పరుగెత్తి పట్టుకుని ప్రాణాలు కాపాడింది.
- కాపాడిన రైల్వే రక్షక దళం పోలీసులు
- కానిస్టేబుల్‌ సరితకు రైల్వేఅధికారుల అభినందనలు
సిటీబ్యూరో/బేగంపేట్‌, మే 31 (నమస్తే తెలంగాణ) : బేగంపేట్‌ రైల్వే స్టేషన్‌లో బుధవారం ఉదయం కదిలిన రైలును ఎక్కే ప్రయత్నంలో ప్రమాదవశాత్తు రైలు కింద పడిపోతున్న ఒక మహిళా ప్రయాణికురాలిని అక్కడే విధుల్లో ఉన్న ఆర్‌పీఎఫ్‌ మహిళా కానిస్టేబుల్‌ కుమారి సునీత పరుగెత్తి పట్టుకుని ప్రాణాలు కాపాడింది. లింగంపల్లి- ఫలక్‌నుమాకు వెళ్తున్న ఎక్స్‌ప్రెస్‌ రైలు ఉదయం 9 గంటలకు బేగంపేట్‌లో ఆగింది. తిరిగి బయలు దేరిన రైలులోకి ఎక్కడానికి మహిళా ప్రయాణికురాలు సరస్వతి ప్రయత్నించింది. రైలు వేగం పెరగడంతో అదుపు తప్పింది. ప్లాట్‌ఫారం- రైలు మధ్యలో పడిపోయే అవకాశం ఉండటంతో ఆర్‌పీఎఫ్‌ కానిస్టేబుల్‌ ఆమెను గమనించి వెంటనే పట్టుకుని ప్లాట్‌ఫారం పైకి తీసుకువచ్చింది. ‘మిషన్‌ జీవన్‌ రక్ష’ పథకంలో భాగంగా ఆర్‌పీఎఫ్‌ ఈ మేరకు ప్రాణ రక్షణ చర్యలు తీసుకోవడంతో దక్షిణ మధ్య రైల్వే జోనల్‌ జనరల్‌ మేనేజర్‌ అరుణ్‌కుమార్‌ జైన్‌, ఇతర రైల్వే అధికారులు ఆర్‌పీఎఫ్‌ కానిస్టేబుల్‌ సునీతను ప్రత్యేకంగా అభినందించారు. ఆమె ధైర్య సాహసాలను మెచ్చుకున్నారు. ఈ కానిస్టేబుల్‌ ఎందరికో ఆదర్శంగా నిలుస్తుందని అభిప్రాయపడ్డారు.
Read Today's Latest Hyderabad News in Telugu and Telugu News
- Follow Us :
-
