ACB Raids | జలమండలి జీఎం ఇంటిపై ఏసీబీ సోదాలు.. నోట్ల కట్టలు చూసి అధికారులు షాక్‌

ACB Raids | ఆదాయానికి మించిన ఆస్తుల కేసులో రెడ్‌హిల్స్ జలమండలి జనరల్ మేనేజర్ అనంత్ లక్ష్మీకుమార్ ఇంట్లో ఏసీబీ అధికారులు దాడులు నిర్వహించారు. హైదరాబాద్‌లోని ఆయన నివాసంతో పాటు అతని బంధువుల ఇళ్లలో ఏకకాలంలో 8 ప్రాంతాల్లో సోదాలు చేపట్టారు.

ACB Raids | ఆదాయానికి మించిన ఆస్తుల కేసులో రెడ్‌హిల్స్ జలమండలి జనరల్ మేనేజర్ అనంత్ లక్ష్మీకుమార్ ఇంట్లో ఏసీబీ అధికారులు దాడులు నిర్వహించారు. హైదరాబాద్‌లోని ఆయన నివాసంతో పాటు అతని బంధువుల ఇళ్లలో ఏకకాలంలో 8 ప్రాంతాల్లో సోదాలు చేపట్టారు.

మల్లాపూర్‌లోని కుమార్ నివాసంలో ఏసీబీ డీఎస్పీ మజీద్ అలీ ఖాన్ ఆధ్వర్యంలో ప్రత్యేక బృందాలు విస్తృతంగా తనిఖీలు చేపట్టారు. ఈ దాడుల్లో భారీగా నగదు బయటపడినట్లు తెలిసింది. ఇప్పటికే రూ.100కోట్లకు పైగా అక్రమాస్తులను గుర్తించినట్లుగా తెలుస్తోంది. ఇంట్లో కుప్పలుగా ఉన్న నోట్ల కట్టలను చూసి ఏసీబీ అధికారులు సైతం ఆశ్చర్యానికి గురైనట్లు సమాచారం. స్వాధీనం చేసుకున్న నగదు భారీగా ఉండటంతో లెక్కింపును కౌంటింగ్ మెషిన్లను ఉపయోగిస్తున్నారు.

ఈ సోదాల్లో కిలో బంగారు ఆభరణాలను స్వాధీనం చేసుకున్నట్లు తెలుస్తోంది. అలాగే హైదరాబాద్‌తో పాటు పలు ప్రాంతాల్లో భూములు ఉన్నట్లుగా గుర్తించారని సమాచారం.