Hyderabad | యాకుత్‌పురాలో బాణ‌సంచా పేలుడు.. దంప‌తులు మృతి
Hyderabad | హైదరాబాద్ న‌గ‌రంలోని యాకుత్‌పురాలో విషాదం నెల‌కొంది. ఇంట్లో బాణ‌సంచా పేలి ఇద్ద‌రు దంప‌తులు ప్రాణాలు కోల్పోయారు. వీరి కుమార్తెకు తీవ్ర గాయాలు కాగా, చికిత్స నిమిత్తం మ‌ల‌క్‌పేట‌లోని ఓ ఆస్ప‌త్రికి త‌ర‌లించారు.
Hyderabad | హైదరాబాద్ : హైదరాబాద్ న‌గ‌రంలోని యాకుత్‌పురాలో విషాదం నెల‌కొంది. ఇంట్లో బాణ‌సంచా పేలి ఇద్ద‌రు దంప‌తులు ప్రాణాలు కోల్పోయారు. వీరి కుమార్తెకు తీవ్ర గాయాలు కాగా, చికిత్స నిమిత్తం మ‌ల‌క్‌పేట‌లోని ఓ ఆస్ప‌త్రికి త‌ర‌లించారు. కూతురి ప‌రిస్థితి కూడా విష‌మంగా ఉన్న‌ట్లు స‌మాచారం.
బాణ‌సంచా పేల‌డంతో మంట‌లు చెల‌రేగాయి. దీంతో స‌మాచారం అందుకున్న పోలీసులు, అగ్నిమాప‌క సిబ్బంది ఘ‌ట‌నాస్థ‌లానికి చేరుకుని మంట‌ల‌ను అదుపు చేశారు. అయితే ఈ దంప‌తులిద్ద‌రూ దీపావ‌ళి పండుగ నేప‌థ్యంలో స్థానికంగా పటాకుల దుకాణం నిర్వ‌హిస్తున్నారు. ఈ క్ర‌మంలో ఇంట్లో పటాకుల నిల్వ‌ల‌ను ఉంచారు. రాత్రి ఇంట్లో పిండి వంట‌లు చేస్తుండ‌గా.. నిప్పు ర‌వ్వ‌లు ఎగిరిప‌డి, బాణ‌సంచాకు అంటుకున్నాయి. దీంతో మంట‌లు ఎగిసిప‌డ‌డంతో, అగ్నికీల‌ల్లో చిక్కుకుని దంప‌తులు ప్రాణాలు కోల్పోయారు. మృతుల కుటుంబ స‌భ్యులు, బంధువులు శోక‌సంద్రంలో మునిగిపోయారు. ఇంట్లో బాణ‌సంచా నిల్వ‌లు ఉంచుకోవ‌ద్ద‌ని పోలీసులు సూచించారు.
ఇవి కూడా చ‌ద‌వండి..
Sadar festival | సదర్‌ ఉత్సవాలకు హర్యానా దున్నలు.. ప్ర‌త్యేక ఆక‌ర్ష‌ణ‌గా ‘గోల్‌ టూ’ దున్నపోతు
Real Estate | నత్తనడకన హైదరాబాద్ నిర్మాణ రంగం.. క్రయవిక్రయాల్లో మునుపెన్నడూ చూడని స్తబ్ధత
Read Today's Latest Hyderabad News in Telugu and Telugu News
- Follow Us :
-
