MMTS Trains | కొత్తగా 4 ఎంఎంటీఎస్‌ రైళ్లు.. ఈ నెల 1 నుంచే అందుబాటులోకి

MMTS Trains | హైదరాబాద్‌, సికింద్రాబాద్‌ సబర్బన్‌కు సంబంధించిన ఎంఎంటీఎస్‌ లోకల్‌ రైలు సర్వీసులను మేడ్చల్‌ - లింగంపల్లి, మేడ్చల్‌ - హైదరాబాద్‌ స్టేషన్ల మధ్య కొత్తగా నాలుగు సర్వీసులను ఈ నెల 1 నుంచే అందుబాటులోకి తీసుకువస్తూ శుక్రవారం దక్షిణ మధ్య రైల్వే జోన్‌ నిర్ణయం తీసుకున్నారు.

సిటీబ్యూరో, అక్టోబర్‌ 6(నమస్తే తెలంగాణ): హైదరాబాద్‌, సికింద్రాబాద్‌ సబర్బన్‌కు సంబంధించిన ఎంఎంటీఎస్‌ లోకల్‌ రైలు సర్వీసులను మేడ్చల్‌ – లింగంపల్లి, మేడ్చల్‌ – హైదరాబాద్‌ స్టేషన్ల మధ్య కొత్తగా నాలుగు సర్వీసులను ఈ నెల 1 నుంచే అందుబాటులోకి తీసుకువస్తూ శుక్రవారం దక్షిణ మధ్య రైల్వే జోన్‌ నిర్ణయం తీసుకున్నారు.

• సికింద్రాబాద్‌, కాచిగూడ నుంచి నడుస్తున్న మూడు వందేభారత్‌ రైళ్లకు వీలుగా ఉండే విధంగా ఎంఎంటీఎస్‌ రైళ్లను అనుసంధానిస్తున్నట్లు తెలిపారు. అందుకు సంబంధించిన నూతన టైమ్‌టేబుల్‌ విడుదల చేశారు. అందుకోసం సికింద్రాబాద్‌ – ఉమ్‌దానగర్‌, ఫలక్‌నుమా – సికింద్రాబాద్‌ స్టేషన్ల మధ్య కూడా ఎంఎంటీఎస్‌ సర్వీసులను నడుపుతున్నామన్నారు.
• ప్రతి రోజు ఉదయం మేడ్చల్‌లో ఉదయం 7.20, సాయంత్రం 3.30 గంటలకు ప్రారంభమవుతుంది. అలాగే, లింగంపల్లి నుంచి ఉదయం 10.20, రాత్రి 6.10 గంటలకు ప్రారంభమవుతాయన్నారు. ఆదివారం సర్వీసులు నిలిపివేయనున్నట్లు తెలిపారు. అలాగే, మేడ్చల్‌-హైదరాబాద్‌కు సంబందించిన సర్వీసు ఉదయం 11.50 గంటలకు మేడ్చల్‌లో బయలుదేరుతుంది. మధ్యాహ్నం 1.40 గంటలకు హైదరాబాద్‌లో స్టేషన్‌ నుంచి బయలుదేరుతుందన్నారు.