Thyroid | ఆరునెలల యోగాతో.. థైరాయిడ్ స‌మ‌స్య‌కు చెక్..!

Thyroid | శరీరంలోని అతి కీలక గ్రంథుల్లో థైరాయిడ్‌ ఒకటి. ఈ హార్మోన్‌ తక్కువగా విడుదలయ్యే సమస్యను ‘హైపోథైరాయిడిజం’ అంటారు. ఈ ఇబ్బంది ఉన్నవారికి యోగా చక్కని ఉపశమనాన్ని ఇస్తుందని చెబుతారు నిపుణులు.

1. విపరీత కరణీయ ఆసనం
ఈ ఆసనంలో శరీరాన్ని గోడకు ఆనించి కాళ్లు పైకి ఎత్తాలి. ఈ భంగిమ థైరాయిడ్‌ గ్రంథికి రక్త సరఫరా సాఫీగా జరిగేలా చేస్తుంది. థైరాయిడ్‌ పనితీరును క్రమబద్ధీకరిస్తుంది.

2. సర్వాంగాసనం
భుజం నుంచి పాదాల వరకు శరీరాన్ని పైకెత్తాలి.
ఈ ఆసనం శరీరంలో ఎండోక్రైన్‌ వ్యవస్థ నిర్వహణలో కీలకపాత్ర పోషిస్తుంది. థైరాయిడ్‌ గ్రంథి మీద ఒత్తిడి కలిగిస్తుంది. దీంతో రక్త సరఫరా సాఫీగా జరుగుతుంది. థైరాయిడ్‌ గ్రంథి పనితీరును ఎంతగానో మెరుగుపరుస్తుంది.

3. ఉష్ర్టాసనం
ఈ ఆసనం ఒంటె ఆకారాన్ని పోలి ఉంటుంది. మెడ వెనక్కి సాగదీయడంతో థైరాయిడ్‌ గ్రంథిలో రక్త సరఫరా సక్రమంగా సాగుతుంది. ఒక్క థైరాయిడ్‌ గ్రంథికి మాత్రమే కాకుండా.. వెన్ను సమస్యల నుంచి కూడా ఉష్ర్టాసనం ఉపశమనం ఇస్తుంది.

4. సేతుబంధాసనం
ఈ భంగిమ వంతెన ఆకారంలో ఉంటుంది. మెడను కొంత సాగదీస్తూ వేసే సేతుబంధాసనం థైరాయిడ్‌ గ్రంథిలో రక్త ప్రస
రణను మెరుగుపరుస్తుంది.

అయితే.. థైరాయిడ్‌ గ్రంథి ఆరోగ్యం విషయంలో యోగాను మాత్రమే నమ్ముకోకూడదు. ఇతర చికిత్సలతోపాటు అనుసరించాలి. నిపుణుల సలహా తప్పనిసరి.