గుండె జ‌బ్బులు ఉన్న‌వారు ఏరియ‌ల్ యోగా చేయ‌కూడ‌దా?

Aerial Yoga | యోగా ఒంటికి ఎంత మంచిదో ప్రత్యేకించి చెప్పనక్కర లేదు. శారీరక రుగ్మతలతోపాటు, మానసిక సమస్యల నుంచి కూడా విముక్తి కలిగిస్తుందని అనేక అధ్యయనాలు నిరూపించాయి. ఆధునిక వైద్యానికి అనుబంధంగా యోగాను సిఫారసు చేస్తున్న నిపుణులూ ఎంతోమంది. ‘యోగా థెరపీ’ పేరుతో.. ప్రత్యామ్నాయ వైద్య విధానంగా కూడా గుర్తింపును తెచ్చుకుంటున్నది. యోగాకు అనుబంధంగా కొన్ని కొత్త ప్రక్రియలూ ప్రచారంలోకి వస్తున్నాయి. అందులో ఒకటి.. ఏరియల్‌ యోగా.

ఇందులో ఊయలలాంటి దానిలో వేలాడుతూ రకరకాల భంగిమల్లో యోగా చేస్తారు. ఏరియల్‌ యోగా ప్రత్యేకించి వెన్నునొప్పి, నడుమునొప్పి లాంటి వాటితో బాధపడేవారికి బాగా పనికొస్తుంది.

ఊయల సాయంతో చేస్తారు కాబట్టి.. కీళ్లు, వెన్ను మీద ఒత్తిడి పడదు. ఎముకలు, కండరాలు దృఢంగా తయారవుతాయి.

శ్వాసక్రియను మెరుగుపరిచి శ్వాసకోశ వ్యవస్థను బలోపేతం చేస్తుంది.

బరువు తగ్గేందుకు కూడా ఏరియల్‌ యోగా పనికొస్తుంది. 45 నిమిషాల సమయంలో దాదాపు 400 కిలో కేలరీలు ఖర్చవుతాయి.

ఇందులోని కొన్ని ఆసనాలు గుండెకు బలాన్ని చేకూర్చడంతో పాటు ర‌క్త‌ ప్రసరణ మెరుగుపడేందుకు ఉపయోగపడతాయి.

కాకపోతే ఓ షరతు. గుండె జబ్బులు, అధిక రక్తపోటు, లో బీపీ, గ్లకోమా, ఆర్థరైటిస్‌లాంటి సమస్యలు ఉన్నవాళ్లు అసలు చేయకూడదు. పెద్ద ఆపరేషన్లు అయిన వాళ్లు, గర్భిణులు దూరంగా ఉండాలి. ఒక్కోసారి వీపు, భుజాలకు సంబంధించిన కండరాలు పట్టేస్తుంటాయి. కాబట్టి, తొలి దశలో నిపుణుల పర్యవేక్షణలోనే చేయాలి. వైద్యుల సలహా తప్పనిసరి. ఏ కొంత అసౌకర్యంగా అనిపించినా ఆపేయడం ఉత్తమం.

Read More :

పీరియ‌డ్స్‌లో స‌మ‌స్య‌లా? ఈ యోగాస‌నాలు వేస్తే మంచిద‌ట‌!!”

ఈ ఐదింటిని రెగ్యుల‌ర్‌గా పాటిస్తే సంపూర్ణ ఆరోగ్యం మీ సొంత‌మే”

శివ‌రాత్రికి యోగాకు ఉన్న సంబంధ‌మేంటి?”