Visit:
ఛాతిలో అకస్మాత్తుగా వచ్చే నొప్పి ఛాతి మధ్య భాగంలో ఉంటుంది. మామూలుగా వచ్చే నొప్పులతో పోలిస్తే గుండె నొప్పి వందరెట్లు ఎక్కువగా ఉంటుంది. దీంతోపాటు ఎడమ చేయి లాగడం గుండెపోటు ముఖ్య లక్షణం.
ఎక్కువమందికి గుండె నొప్పి వచ్చినా దాన్ని గ్యాస్‌ నొప్పి అనుకొని ఏదో ట్యాబ్లెట్లు వాడుతుంటారు. ప్రమాదానికి గురవుతుంటారు. గుండె పనితీరుపై అవగాహన లేకనే చాలామంది ప్రాణాలమీదికి తెచ్చుకుంటున్నారు. గుండెపోటు లక్షణాలు, నివారణ చర్యలు, గుండెపోటు వస్తే తక్షణం చేయాల్సిన పనులు ఏంటంటే..
జలుబు, ఫ్లూ జ్వరం తరచుగా వస్తున్నా.. అవి ఓ పట్టాన తగ్గకున్నా.. అనుమానించాల్సిందే. ఎందుకంటే అవి హార్ట్‌ఎటాక్‌ వస్తుందనడానికి సూచికలు. దీంతోపాటు దగ్గు కూడా ఎక్కువగా వస్తున్నా దాన్ని హార్ట్‌ ఎటాక్‌కు చిహ్నంగా అనుమానించాలి.
గుండెపోటుకు సంబంధించిన లక్షణాల్లో మరోటి శ్వాస ఆడకపోవడం. గాలి పీల్చుకోవడంలో తరచూ ఇబ్బందులు వస్తున్నా దాన్ని హార్ట్‌ ఎటాక్‌ లక్షణంగా అనుమానించాలి.
ఛాతిలో అసౌకర్యంగా ఉంటున్నా, ఏదో బరువుగా ఛాతిపై పెట్టినట్లు అనిపిస్తున్నా అది హార్ట్‌ ఎటాక్‌ సూచనే అవుతుంది. ఇలాంటి లక్షణాలు కనిపిస్తే వెంటనే వైద్యున్ని సంప్రదించాలి.
మత్తు మత్తుగా నిద్ర వచ్చినట్లు ఉంటున్నా. చెమటలు ఎక్కువగా వస్తున్నా అనుమానించాల్సిందే. విపరీతంగా అలసిపోవడం, ఒళ్లంతా నొప్పులుగా ఉండడం వంటి లక్షణాలు తరచూ కనిపిస్తుంటే వాటిని అశ్రద్ధ చేయకూడదు.
కంటి చివర్లలో కురుపుల వంటివాటినీ నిర్లక్ష్యం చేయకూడదు.
కాళ్లు, పాదాలు, మడిమలు ఉబ్బిపోయి కనిపిస్తే వాటిని హార్ట్‌ ఎటాక్‌ లక్షణాలుగా అనుమానించాలి. దవడలు, గొంతులో నొప్పిని కూడా నిర్లక్ష్యం చేయవద్దు.
గుండె సంబంధిత సమస్యలు ఉంటే గుండె సాధారణం కంటే ఎక్కువగా కొట్టుకుంటుంది. ఈ విషయాన్ని ఎప్పటికప్పుడు గమనిస్తూ ఉండాలి.