Visit:
Pomegranate | దానిమ్మ పండ్లు మ‌న‌కు ఏడాది పొడ‌వునా అన్ని సీజ‌న్ల‌లోనూ అందుబాటులో ఉంటాయి. చూసేందుకు ఎరుపు రంగులో ఎంతో ఆక‌ర్ష‌ణీయంగా ఈ పండ్లు క‌నిపిస్తుంటాయి. దానిమ్మ పండ్ల‌ను తినేందుకు చాలా మంది ఇష్టం చూపిస్తుంటారు. ఈ పండ్ల‌తో జ్యూస్ త‌యారు చేసి కూడా తాగుతుంటారు. దానిమ్మ పండ్ల‌ను ఈ సీజ‌న్‌లో రోజూ తిన‌డం వల్ల అనేక లాభాలు క‌లుగుతాయ‌ని పోష‌కాహార నిపుణులు చెబుతున్నారు. ఒక క‌ప్పు దానిమ్మ గింజ‌ల‌ను తింటే సుమారుగా 144 క్యాల‌రీల శ‌క్తి ల‌భిస్తుంది. 32 గ్రాముల పిండి ప‌దార్థాలు, 7 గ్రాముల ఫైబ‌ర్‌, 3 గ్రాముల ప్రోటీన్లు, 2 గ్రాముల కొవ్వు, అధిక మోతాదులో విట‌మిన్ సి, కె, బి9, పొటాషియం, మాంగ‌నీస్‌, కాప‌ర్‌, ఫాస్ఫ‌ర‌స్‌, మెగ్నిషియం వంటి పోష‌కాలు ల‌భిస్తాయి. దానిమ్మ పండ్లలో యాంటీ ఆక్సిడెంట్లు స‌మృద్ధిగా ఉంటాయి. ఇవి మ‌న‌కు అనేక ఆరోగ్య ప్ర‌యోజ‌నాల‌ను అందిస్తాయి.
యాంటీ ఆక్సిడెంట్లు అధికంగా ఉండే పండ్లలో దానిమ్మ పండ్లు ఒక‌ట‌ని చెప్ప‌వ‌చ్చు. ఈ పండ్లలో ప్యూనికాలాజిన్స్‌, ఆంథోస‌య‌నిన్స్ అనే యాంటీ ఆక్సిడెంట్లు ఉంటాయి. అందువ‌ల్లే ఈ పండ్లు ఎరుపు రంగులో ఉంటాయి. ఇవి ఫ్రీ ర్యాడిక‌ల్స్‌ను నిర్మూలిస్తాయి. దీంతో శ‌రీరంలో అంత‌ర్గ‌తంగా ఉండే వాపులు త‌గ్గిపోతాయి. క‌ణాలు ఆక్సీక‌ర‌ణ ఒత్తిడికి గురి కాకుండా ర‌క్షిస్తాయి. దీని వల్ల వ‌య‌స్సు వెన‌క్కి మ‌ళ్లుతుంది. చ‌ర్మం కాంతివంతంగా మారుతుంది. య‌వ్వ‌నంగా క‌నిపిస్తారు. గుండె జ‌బ్బులు, క్యాన్సర్ వంటి ప్రాణాంత‌క వ్యాధులు రాకుండా అడ్డుకోవ‌చ్చు. అలాగే నాడీ సంబంధ వ్య‌వ‌స్థ ఆరోగ్యంగా ఉంటుంది. దానిమ్మ జ్యూస్‌ను తాగితే ఇంకా ఎక్కువ యాంటీ ఆక్సిడెంట్ల‌ను పొంద‌వ‌చ్చ‌ని ప‌రిశోధ‌కులు చెబుతున్నారు.
దానిమ్మ పండ్లలో యాంటీ ఇన్ ఫ్లామేట‌రీ గుణాలు ఉంటాయి. ఎంత‌టి వాపుల‌ను అయినా స‌రే ఈ పండ్లు త‌గ్గిస్తాయి. ఈ పండ్లలో ఉండే యాంటీ ఆక్సిడెంట్లు యాంటీ ఇన్ ఫ్లామేట‌రీ కార‌కాలుగా కూడా ప‌నిచేస్తాయి. దీని వల్ల శ‌రీరంలో ఉండే వాపులు, నొప్పుల నుంచి ఉప‌శ‌మ‌నం ల‌భిస్తుంది. ముఖ్యంగా ఆర్థ‌రైటిస్‌, ఆస్టియోపోరోసిస్ వంటి స‌మ‌స్య‌లు ఉన్న‌వారికి ఎంత‌గానో మేలు జ‌రుగుతుంది. అలాగే ఇన్‌ఫ్లామేట‌రీ బౌల్ డిసీజ్ (ఐబీడీ) స‌మ‌స్య‌కు ప‌రిష్కారం ల‌భిస్తుంది. మెట‌బాలిక్ వ్యాధుల నుంచి సైతం బ‌య‌ట ప‌డ‌వ‌చ్చు. దానిమ్మ పండ్ల‌ను తిన‌డం వల్ల మ‌న శ‌రీరంలో ఉండే చెడు కొలెస్ట్రాల్ (ఎల్‌డీఎల్‌) త‌గ్గుతుంది. మంచి కొలెస్ట్రాల్ (హెచ్‌డీఎల్‌) పెరుగుతుంది. దీంతో ర‌క్త నాళాల్లో ఉండే కొవ్వు క‌రిగిపోతుంది. గుండె ఆరోగ్యంగా ఉంటుంది. హార్ట్ ఎటాక్ రాకుండా జాగ్ర‌త్తగా ఉండ‌వ‌చ్చు. గుండె ప‌నితీరు మెరుగు ప‌డుతుంది.
దానిమ్మ పండ్లలో యాంటీ క్యాన్సర్ గుణాలు ఉంటాయి. సైంటిస్టులు చేప‌ట్టిన అధ్య‌య‌నాల ప్ర‌కారం దానిమ్మ పండ్ల‌ను రోజూ తింటే ప‌లు ర‌కాల క్యాన్స‌ర్లు రాకుండా సుర‌క్షితంగా ఉండ‌వ‌చ్చు. ఈ పండ్ల‌ను తిన‌డం వల్ల జీర్ణ వ్య‌వ‌స్థ‌కు సైతం మేలు జ‌రుగుతుంది. మ‌ల‌బ‌ద్ద‌కం త‌గ్గుతుంది. జీర్ణ వ్య‌వ‌స్థ‌లో మంచి బ్యాక్టీరియా వృద్ధి చెందుతుంది. ఇది జీర్ణ వ్య‌వ‌స్థ‌ను ఆరోగ్యంగా ఉంచుతుంది. దానిమ్మ పండ్ల‌ను తింటే మెద‌డు చురుగ్గా ప‌నిచేస్తుంది. యాక్టివ్‌గా ఉంటారు. ముఖ్యంగా చిన్నారుల‌కు ఈ పండ్ల‌ను తినిపిస్తే వారి తెలివితేట‌లు పెరుగుతాయి. చ‌దువుల్లో రాణిస్తారు. ఈ పండ్ల‌ను తిన‌డం వల్ల రోగ నిరోధ‌క శ‌క్తి పెరుగుతుంది. ఈ సీజ‌న్‌లో ఈ పండ్ల‌ను తింటుంటే సీజ‌న‌ల్ వ్యాధులైన దగ్గు, జ‌లుబు, జ్వ‌రం నుంచి త్వ‌ర‌గా కోలుకుంటారు. అలాగే ప్లేట్‌లెట్ల‌ను పెంచ‌డంలోనూ దానిమ్మ ఎంత‌గానో సహాయం చేస్తుంది. క‌నుక ఈ పండ్ల‌ను ఈ సీజ‌న్‌లో తిన‌డం మ‌రిచిపోకండి. లేదంటే అనేక లాభాల‌ను కోల్పోతారు.
