Health Tips | ఫేస్ యోగాతో మెర‌వండిలా..!
శారీర‌క, మాన‌సిక ఆరోగ్యంపై యోగ సానుకూల ప్ర‌భావం చూపుతుంది. సెలూన్లు, డెర్మ‌టాల‌జిస్టులతో అవ‌స‌రం లేకుండా ఫేస్ యోగతో తీరైన ముఖాకృతిని సొంతం చేసుకోవ‌చ్చ‌ని నిపుణులు చెబుతున్నారు.
న్యూఢిల్లీ : శారీర‌క, మాన‌సిక ఆరోగ్యంపై యోగ సానుకూల ప్ర‌భావం చూపుతుంది. సెలూన్లు, డెర్మ‌టాల‌జిస్టులతో అవ‌స‌రం లేకుండా ఫేస్ యోగతో తీరైన ముఖాకృతిని సొంతం చేసుకోవ‌చ్చ‌ని నిపుణులు చెబుతున్నారు. ముఖ కండ‌రాల క‌ద‌లిక‌తో కాంతులీనే చ‌ర్మం కోసం అవ‌స‌ర‌మైన కొలాజెన్ ఉత్ప‌త్తి అవుతుంది. మ‌నం మాట్లాడేప్పుడు, న‌వ్వుతున్న స‌మ‌యంలో, ఆహారం తీసుకునే వేళ ముఖ కండ‌రాల‌ను రోజూ క‌దిలించినా ఫేస్ యోగతో ముఖ కండ‌రాలు క్ర‌మంగా బ‌లోపేతం కావ‌డంతో పాటు రిలాక్స్ అవుతాయి.
ఇక ఫేస్ యోగతో ముఖంలో అల‌స‌ట మ‌టుమాయ‌మై ఒత్తిడిని దూరం చేయ‌వ‌చ్చు. ఫేషియ‌ల్ ఎక్స‌ర్‌సైజ్‌లు శ‌రీరానికి, నాడీమండ‌లం రిలాక్స్ కావ‌డంతో మాన‌సిక ఆరోగ్యానికి ఉప‌క‌రిస్తాయి. ముఖ కండ‌రాలూ రిలాక్స్ అవుతాయి. వ‌య‌సు మీద ప‌డేకొద్దీ స‌హ‌జ కొలాజెన్ లెవెల్స్ త‌గ్గుతుండ‌టంతో చ‌ర్మం సాగిపోవ‌డం, తేమ‌ను కోల్పోవ‌డంతో పాటు ముడ‌త‌లు వ‌స్తుంటాయి.
ఫేస్ యోగ ద్వారా కొలాజెన్ లెవెల్స్ మెరుగ్గా ఉండ‌టంతో చ‌ర్మం కాంతివంతంగా ఉంటుంది. ముడ‌త‌లు తొల‌గి ముఖం స్మూత్‌గా య‌వ్వ‌న మెరుపుల‌తో కూడి ఉంటుంది. ఫేస్ యోగ సెల్ ఆక్సిజెన‌రేష‌న్‌, మైక్రోస‌ర్క్యులేష‌న్‌ను మెరుగుప‌ర‌చ‌డంతో చ‌ర్మం స‌హ‌జంగా నిగారింపు సంత‌రించుకుంటుంది.
Read Today's Latest Health News in Telugu and Telugu News
- Follow Us :
-
