AP Elections | ఏపీలో మున్సిపల్‌ ఎన్నికలకు ఏర్పాట్లు పూర్తి : ఎస్‌ఈసీ అనిల్‌ చంద్ర పునేఠా

AP Elections | ఏపీలో ఆదివారం జరుగనున్న మున్సిపల్‌ ఎన్నికలకు అన్ని ఏర్పాట్లు పూర్తి చేశామని రాష్ట్ర ఎన్నికల కమిషనర్‌ అనిల్‌ చంద్ర పునేఠా వెల్లడించారు.

అమరావతి : ఏపీలో ఆదివారం జరుగనున్న మున్సిపల్‌ ఎన్నికలకు ( Elections ) అన్ని ఏర్పాట్లు పూర్తి చేశామని రాష్ట్ర ఎన్నికల కమిషనర్‌ అనిల్‌ చంద్ర పునేఠా ( SEC Anil Chandra ) వెల్లడించారు. రాష్ట్రవ్యాప్తంగా పట్టణ స్థానిక సంస్థల ఎన్నికల పోలింగ్ జరుగనున్న ప్రాంతాల్లో గట్టి పోలీసు బందోబస్తును ఏర్పాటు చేశామని వివరించారు.

రాష్ట్రవ్యాప్తంగా 13 కార్పొరేషన్లు, 87 మున్సిపాలిటీల్లో పోలింగ్‌ జరుగనుంది. పోలింగ్‌ కోసం 13,504 మందిని ప్రిసైడింగ్‌ ఆఫీసర్లను విధుల్లోకి తీసుకున్నామని ఆయన వివరించారు. సమస్యాత్మక ప్రాంతాల్లో బందోబస్తు పెంచామని వెల్లడించారు. కాగా ఆదివారం ఉదయం 7 నుంచి సాయంత్రం 5 వరకు పోలింగ్‌ జరగనుంది.

మొత్తం 2,382 మేయర్‌, చైర్‌పర్సన్‌, కార్పొరేటర్‌, కౌన్సిలర్‌ స్థానాలకు గాను 6,669 మంది అభ్యర్థులు బరిలో ఉన్నారు. 11,705 పోలింగ్‌ కేంద్రాల్లో 99.36 లక్షల మంది ఓటు హక్కును వినియోగించనున్నారు. నవంబర్‌ 3న కౌంటింగ్‌, ఫలితాలు వెలువడుతాయని అధికారులు వివరించారు.