నెలసరి సమస్యలకు చెక్‌!

కొందరిలో ‘నెలసరి’తోపాటు అనేక ఆరోగ్య సమస్యలూ పలకరిస్తాయి. హార్మోన్లలో మార్పులు, రక్తస్రావం, కడుపునొప్పి, నీరసం లాంటివి ఇబ్బంది పెడుతాయి. అలాంటి సమయంలో సరైన పోషకాహారం తీసుకోవాలి. అధిక శక్తినిచ్చే, రోగనిరోధకతను పెంచే పదార్థాలను ఎంచుకోవాలి.

కొందరిలో ‘నెలసరి’తోపాటు అనేక ఆరోగ్య సమస్యలూ పలకరిస్తాయి. హార్మోన్లలో మార్పులు, రక్తస్రావం, కడుపునొప్పి, నీరసం లాంటివి ఇబ్బంది పెడుతాయి. అలాంటి సమయంలో సరైన పోషకాహారం తీసుకోవాలి. అధిక శక్తినిచ్చే, రోగనిరోధకతను పెంచే పదార్థాలను ఎంచుకోవాలి. వివిధ రకాల పండ్లు.. ఈ విషయంలో ఎంతో సాయపడతాయి.

• పీరియడ్స్‌ సమయంలో రక్తస్రావమై హిమోగ్లోబిన్‌ స్థాయులు తగ్గుతాయి. దాంతో అలసట, బలహీనత ఏర్పడుతుంది. వీటిని ఎదుర్కోవాలంటే.. డైట్‌లో సిట్రస్‌ పండ్లను చేర్చుకోవాల్సిందే! విటమిన్‌ సి అధికంగా లభించే ఆరెంజ్‌, ద్రాక్ష, బత్తాయిలు.. శరీరం ఐరన్‌ను శోషించుకోవడంలో సహకరిస్తాయి.
• యాపిల్స్‌లోని ఫైబర్‌.. జీర్ణక్రియను మెరుగుపరుస్తుంది. తిమ్మిరి, ఉబ్బరం తగ్గించడంలో సాయపడుతుంది. ఇందులో లభించే సహజసిద్ధమైన చక్కెరలు.. తక్షణ శక్తిని అందిస్తాయి. అలసట, నీరసం వంటి లక్షణాలను నివారిస్తాయి.
• కివీపండ్లలో విటమిన్‌ కె, ఇతోపాటు ఫోలేట్‌ లాంటి పోషకాలెన్నో లభిస్తాయి. ఇవి రక్త ప్రసరణను మెరుగుపరచడంతోపాటు శరీరానికి కావాల్సిన శక్తిని అందిస్తాయి. దీన్ని తినడం వల్ల నెలసరి సమయంలో ఎదురయ్యే అనేక సమస్యల నుంచి బయటపడొచ్చు.
• బెర్రీలు.. అద్భుతమైన యాంటి ఆక్సిడెంట్లుగా పనిచేస్తాయి. శరీరంలోని ఇన్‌ఫ్లమేషన్‌ను తగ్గించి.. జీర్ణక్రియను మెరుగుపరుస్తాయి. అధికస్థాయిలో ఫైబర్‌ ఉండటం వల్ల మలబద్దకాన్నీ నివారిస్తాయి. కాబట్టి, స్ట్రాబెర్రీలు, బ్లూ బెర్రీలను ఈ సమయంలో ఎక్కువగా తీసుకోవాలి.
• అరటి పండులో పొటాషియం, విటమిన్‌ బి6 అధికంగా లభిస్తాయి. నెలసరి సమయంలో కనిపించే మూడ్‌ స్వింగ్స్‌ను ఇవి కంట్రోల్‌లో ఉంచుతాయి. నిస్సత్తువనూ తగ్గిస్తాయి.
• పైనాపిల్‌లో ఉండే ‘బ్రోమ్లైన్‌’ అనే ఎంజైమ్‌.. ఇన్‌ఫ్లమేషన్‌తోపాటు కండరాల ఒత్తిడిని తగ్గిస్తుంది. నెలసరి నొప్పుల నుంచి ఉపశమనం
  కలిగిస్తుంది.