మున‌క్కాయ‌ల కంటే మున‌గాకే ఆరోగ్య‌క‌రం..!

‌
హైద‌రాబాద్‌: మున‌క్కాయ చారు! మున‌క్కాయ ప‌ప్పు! మున‌క్కాయ ట‌మాటా! ఇలా మున‌క్కాయ‌లను ఎన్నో ర‌కాలుగా వంట‌ల్లో ఉప‌యోగించుకోవ‌చ్చు! అంతేగాదు, మున‌క్కాయ‌ల‌తో చేసిన ఏ వంట‌క‌మైనా ఎంతో రుచిగా ఉంటుంది. రుచితోపాటు మున‌క్కాయ‌ల్లో ఆరోగ్యానికి కావాల్సిన ఎన్నో పోష‌కాలు కూడా ఉంటాయి. అయితే, ఆ పోష‌కాలు మున‌క్కాయ‌ల్లో కంటే మున‌గాకులో ఇంకా ఎక్కువ‌గా ఉంటాయ‌ని ఆరోగ్య నిపుణులు చెబుతున్నారు. మున‌గాకును ఆకు కూర‌గానో, ప‌ప్పులో క‌లెగూర‌గానో లేదంటే ప‌చ్చ‌డిగానో చేసుకుని తిన‌డంవ‌ల్ల ఆరోగ్యానికి చాలా మేలు జ‌రుగుతుందని అంటున్నారు. మ‌రి మున‌గాకు చేసే మేలు ఎంతో తెలుసుకుందామా..!

• వర్షాకాలంలో మునగాకును ఎక్కువగా వాడటంవల్ల వ్యాధి నిరోధకశక్తి పెరుగుతుంది. అంతేగాక ఈ కాలంలో తరచుగా వచ్చే జలుబు, దగ్గులాంటి ఇబ్బందుల నుంచి కూడా ఉప‌శ‌మ‌నం ల‌భిస్తుంది.

• పాలకూరతో పోలిస్తే మున‌గాకులో మూడు రెట్లు ఎక్కువగా ఇనుము ఉంటుంది. అరటిపండు కంటే ఏడు రెట్లు ఎక్కువగా మెగ్నీషియం లభిస్తుంది. పాలల్లో కంటే రెండు రెట్లు ఎక్కువగా ప్రొటీన్లు ఉంటాయి. ఈ ఇనుము, మెగ్నీషియం మనల్ని త్వరగా అలసటకు గురికాకుండా కాపాడుతాయి.

• మునగాకులో ఎక్కువగా ఉండే పీచువల్ల కాస్త తినగానే కడుపు నిండిన భావన కలుగుతుంది. అందువ‌ల్ల మున‌గాకును నిత్యం వాడ‌టంవ‌ల్ల అతిగా తిన‌డం అనే స‌మ‌స్య తీరుతుంది.

• మునగాకులోని విటమిన్‌-ఎ చర్మాన్ని మృదువుగా ఉంచుతుంది. అమైనో ఆమ్లాలు ప్రొటీన్‌ ఉత్పత్తికి తోడ్పతాయి. ఈ ప్రొటీన్‌ జీర్ణశక్తిని మెరుగుపరుస్తుంది. మలబద్ధకాన్ని నివారిస్తుంది. కడుపులోని పుండ్లు, ఇన్‌ఫెక్షన్లను తగ్గిస్తుంది.

• మున‌గాకులో ఉండే క్లోరోజెనిక్‌ ఆమ్లం కొవ్వును కరిగిస్తుంది. రక్తంలో చక్కెర స్థాయిలను నియంత్రిస్తుంది. శరీరంలోని వ్యర్థాలను బయటకు పంపడంలో సాయపడుతుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవికూడా చదవండి.

మే 1 వ‌ర‌కు తెలంగాణ‌లో నైట్ క‌ర్ఫ్యూ

సంచ‌ల‌న నిర్ణ‌యం తీసుకున్న ఛార్మీ

ఐసీఎస్ఈ 10వ బోర్డు ప‌రీక్ష‌లు ర‌ద్దు..

వ్యాక్సిన్ల‌పై దిగుమ‌తి సుంకం ఎత్తివేత‌!