Visit:
Lemon Pickle | మన తెలుగు వంటకాల్లో తొక్కులది ప్రత్యేక స్థానం. ఏ కూరతో భోజనం చేసినా మొదటి ముద్ద తొక్కులతో ఉండాల్సిందే. ఇప్పటి పిల్లలు తొక్కులు తినేందుకు ఇష్టపడరు.. కానీ వీటిలో ఆరోగ్యానికి అవసరమయ్యే ఎన్నో పోషకాలు ఉన్నాయి. ముఖ్యంగా పుల్లపుల్లగా కారం కారం ఉండే నిమ్మకాయ తొక్కు ఆరోగ్యానికి ఎంతో మేలు చేస్తుంది.
ఆరోగ్యంగా ఉండాలంటే శరీరంలో రక్త ప్రసరణ సక్రమంగా జరగాలి. రక్త ప్రవాహంలో హెచ్చుతగ్గులు రక్తపోటుకు కారణమవుతుంటాయి. అయితే రోజూ నిమ్మకాయ తొక్కుతో తినడం వల్ల రక్తప్రసరణ మెరుగవుతుంది.
నిమ్మకాయ తొక్కులో ఎన్నో పోషకాలు ఉంటాయి. పైగా కొవ్వు అస్సలు ఉండదు. హృద్రోగాలు వచ్చే ప్రమాదం తక్కువ ఉంటుంది. కాబట్టి నిరభ్యంతరంగా డైట్‌లో చేర్చుకోవచ్చు.
నిమ్మకాయలో కాపర్‌, పొటాషియం, ఐరన్‌ , కాల్షియం ఉంటాయి. వయసు పెరిగే కొద్ది ఎముకల ఆరోగ్యం క్షీణించడం మొదలవుతుంది. కాబట్టి కాల్షియం, విటమిన్‌ ఏ, సీ పొటాషియం కలిగిన నిమ్మకాయ తొక్కును ఆహారంగా తీసుకోవడం ద్వారా ఎముకల ఆరోగ్యాన్ని పెంపొందించుకోవచ్చు.
స‌ప్లిమెంట్ల ద్వారా విటమిన్లు, పోష‌కాల‌ను తీసుకోవ‌డానికి బ‌దులు ఆరోగ్యకరమైన ఆహారం తీసుకోవడం ద్వారా వ్యాధి నిరోధక శక్తి పెంపొందించుకోవచ్చు. అలాంటి ఆహారాల్లో నిమ్మకాయ తొక్కు ఒకటి. ఇందులో బీ కాంప్లెక్స్‌ విటమిన్లు పుష్కలంగా ఉంటాయి.