Health Tips | ఇంట్లో నాఫ్తలీన్ బాల్స్ వాడుతున్నారా..? అయితే ఈ ప్రమాదాల గురించి తెలుసుకోవాల్సిందే..!
Health Tips | చలికాలం (Winter) లో బీరువాల్లో దుస్తులను భద్రపరిచేటప్పుడు నాఫ్తలీన్ బాల్స్ (Napthalin balls) వేయడం చాలా ఇళ్లలో సాధారణమే. అల్మారాల్లోని దుస్తుల్లోకి బొద్దింకలు చేరకుండా, సువాసన కోసం వీటిని ఉపయోగిస్తుంటారు. కొందరు బాత్రూమ్లు (Bathrooms), టాయిలెట్ (Toilets) లలోనూ ఈ నాఫ్తలీన్ బాల్స్ వేస్తుంటారు.
Health Tips : చలికాలం (Winter) లో బీరువాల్లో దుస్తులను భద్రపరిచేటప్పుడు నాఫ్తలీన్ బాల్స్ (Napthalin balls) వేయడం చాలా ఇళ్లలో సాధారణమే. అల్మారాల్లోని దుస్తుల్లోకి బొద్దింకలు చేరకుండా, సువాసన కోసం వీటిని ఉపయోగిస్తుంటారు. కొందరు బాత్రూమ్లు (Bathrooms), టాయిలెట్ (Toilets) లలోనూ ఈ నాఫ్తలీన్ బాల్స్ వేస్తుంటారు. అయితే వీటిలో ఉండే నాఫ్తలీన్ ఓ రసాయన పురుగుమందు. దీని వాసనను ఎక్కువసేపు పీల్చడం, పొరపాటున మింగడం, చర్మానికి ఎక్కువగా తగలడం ఆరోగ్యానికి హాని కలిగించవచ్చని వైద్య నిపుణులు హెచ్చరిస్తున్నారు.
నాఫ్తలీన్ బాల్ కరగకపోయినా వాసన వస్తుంది. గది ఉష్ణోగ్రత వద్దే దాని అణువులు నెమ్మదిగా గాల్లోకి చేరుతాయి. దీన్నే ‘సబ్లిమేషన్’ అంటారు. అందుకే అల్మారా తెరిచిన వెంటనే ఘాటైన వాసన వస్తుంది. మూసి ఉన్న అల్మారాల్లో గాలి ప్రసరణ తక్కువగా ఉంటే ఆవిర్లు పేరుకుపోయే అవకాశం ఉంటుంది. అల్మారా తలుపులు తెరిచి గాలి ప్రసరించేలా చేయడంవల్ల ఆవిరి కొంత తగ్గి ఘాటు వాసన తగ్గుతుంది.
నాఫ్తలీన్ బాల్స్ వాసనను తరచూ పీల్చడం సురక్షితం కాదు. తలనొప్పి, వికారం, తల తిరగడం, కళ్లకు-ముక్కుకు మంట, నీరసం వంటి సమస్యలు వచ్చే అవకాశం ఉంటుంది. ఈ స్మెల్ ఎక్కువ మోతాదులో శరీరంలోకి వెళ్తే ఎర్ర రక్తకణాలు దెబ్బతిని రక్తహీనతకు దారితీయవచ్చు. కాలేయం, మూత్రపిండాలు, నాడీ వ్యవస్థపైనా ప్రభావం పడే అవకాశం ఉంది.
పిల్లల విషయంలో మరింత జాగ్రత్త అవసరం. బాల్స్ చిన్న పరిమాణంలో ఉండటం, పిల్లలకు వస్తువులను నోట్లో పెట్టుకునే అలవాటు ఉండటం కారణంగా ప్రమాదం పెరుగుతుంది. నాఫ్తలీన్ బాల్ను పొరపాటున మింగితే తీవ్ర విష ప్రభావం కలగవచ్చు. అందుకే పిల్లలు ఉండే గదుల్లో, వారు నిద్రించే ప్రదేశాల్లో వీటిని వాడకపోవడం మంచిది. ఆహార పదార్థాలు పెట్టే డబ్బాల్లో వీటిని నిల్వ చేయకూడదు.
ఈ నాప్తాలిన్ బాల్స్ పెంపుడు జంతువులకు కూడా ప్రమాదకరమే. కుక్కలు, పిల్లులు నాఫ్తలీన్ బాల్స్ను కొరికినా, మింగినా తీవ్ర అనారోగ్యానికి గురయ్యే అవకాశం ఉంది. వాంతులు, కడుపు నొప్పి, నీరసం, రక్తహీనత, నాడీ సంబంధ సమస్యలు, అవయవాల దెబ్బతినడం వంటి లక్షణాలు కనిపించవచ్చు. నేలపై వీటిని వదిలేయడం మరింత ప్రమాదకరం.
సాధారణంగా బాత్రూమ్లు, టాయిలెట్లలో దుర్వాసన పోగొట్టేందుకు లేదా పురుగులను తరిమేందుకు నాఫ్తలీన్ బాల్స్ పెడుతుంటారు. అయితే వాటిని అలా వాడకూడదని వైద్య నిపుణులు సూచిస్తున్నారు. గాలి ప్రసరణ సరిగా లేని ప్రదేశాల్లో ఆవిర్లకు ఎక్కువగా గురయ్యే అవకాశం ఉంటుంది. దాంతో ఘాటైన వాసన వస్తుంది. నిత్యం ఆ వాసన పీల్చుకోవడం ఆరోగ్యానికి హాని చేస్తుంది.
నాఫ్తలీన్ బాల్స్కు బదులుగా దుస్తులను శుభ్రంగా, పూర్తిగా ఆరబెట్టి భద్రపరచడం మంచి పద్ధతి. గాలి చొరబడని కంటైనర్లు లేదా గార్మెంట్ బ్యాగుల్లో వీటిని ఉంచాలి. అల్మారాలను పొడిగా, అస్తవ్యస్తంగా లేకుండా చూసుకోవాలి. ఎక్కువకాలం నిల్వచేసిన దుస్తులను మధ్య మధ్యలో బయటకు తీసి గాలి తగిలించాలి. దుస్తులను ఉతకడంవల్ల కొంత రసాయన అవశేషం తొలగవచ్చు.
కానీ పూర్తిగా పోతుందని చెప్పలేం. దుస్తులకే కాకుండా అల్మారా, స్టోరేజ్ బాక్సుల్లోనూ ఆవిర్లు లేదా అవశేషాలు ఉండొచ్చు. అందుకే దుస్తులను ఉతకడంతోపాటు వాటిని బాగా గాలి తగిలేలా చేయాలి. అల్మారా, నిల్వ ప్రదేశాన్ని కూడా శుభ్రం చేసి గాలి ప్రసరించేలా చేసిన తర్వాతే మళ్లీ ఉపయోగించడం మంచిది.
Read Today's Latest Health News in Telugu and Telugu News
RELATED ARTICLES
తాజా వార్తలు
Masooda | తిరువీర్ కెరీర్లో ఆల్ టైమ్ బ్లాక్బస్టర్.. ‘మసూద’ సినిమాకు 4 ఏళ్లు!
MLA Kova Lakshmi | పింఛన్, రేషన్ కార్డుల పంపిణీ నిరంతర ప్రక్రియ : ఎమ్మెల్యే కోవలక్ష్మి
ప్రజా సమస్యలకు దిక్కేది?.. మంత్రి ముఖం చాటేయడంపై సర్పంచుల నిరసన
Students | స్కాలర్ షిప్స్ విడుదల చేయాలి.. రోడ్డెక్కిన విద్యార్థినులు.. వీడియో
పొన్నేకల్ వద్ద మినీ వ్యాన్ బోల్తా
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

