Coffee Without Sugar | చక్కెర లేకుండా కాఫీ తాగితే ఇన్ని ఉపయోగాలు ఉన్నాయా..?
ఉదయం నిద్ర లేచిన తరువాత చాలా మంది తాగే పానీయాల్లో కాఫీ ఒకటి. ఉదయం బెడ్ టీ తాగేవారు కూడా ఉంటారు. కానీ కాఫీ ప్రియులు మాత్రం ప్రత్యేకం అనే చెప్పాలి. ఇక రోజుకు నాలుగైదు కప్పుల కాఫీని తాగేవారు కూడా ఉంటారు.
Coffee Without Sugar | ఉదయం నిద్ర లేచిన తరువాత చాలా మంది తాగే పానీయాల్లో కాఫీ ఒకటి. ఉదయం బెడ్ టీ తాగేవారు కూడా ఉంటారు. కానీ కాఫీ ప్రియులు మాత్రం ప్రత్యేకం అనే చెప్పాలి. ఇక రోజుకు నాలుగైదు కప్పుల కాఫీని తాగేవారు కూడా ఉంటారు. అయితే మీరు కూడా కాఫీ ప్రియులే అయితే ఇప్పుడు మేం చెప్పబోయేది మీ కోసమే. ఎందుకంటే మీరు రోజూ కాఫీని తాగుతుంటే అందులో చక్కెర కలపకుండా తాగండి. అవును, మీరు విన్నది నిజమే. కాఫీలో చక్కెర కలపకుండా తాగితే ఎన్నో ఆరోగ్య ప్రయోజనాలను పొందవచ్చని సైంటిస్టుల అధ్యయనంలో తేలింది. చక్కెర కలపకుండా కాఫీని తాగితే పలు లాభాలను పొందవచ్చని వారు అంటున్నారు.
షుగర్ రాదు..
చక్కెర లేకుండా కాఫీ తాగడం వల్ల టైప్ 2 డయాబెటిస్ వచ్చే అవకాశాలు చాలా వరకు తగ్గుతాయని సైంటిస్టులు చెబుతున్నారు. ముఖ్యంగా మహిళలు టైప్ 2 డయాబెటిస్ బారిన పడే అవకాశాలు 8 శాతం వరకు తగ్గుతాయట. హార్వార్డ్ టీహెచ్ చాన్ స్కూల్ ఆఫ్ పబ్లిక్ హెల్త్ వారు ఈ విషయాన్ని వెల్లడించారు. కాఫీలో చక్కెర వేసి తాగితే షుగర్ లెవల్స్ పెరుగుతాయని, కానీ చక్కెర కలపకుండా కాఫీని సేవిస్తే షుగర్ లెవల్స్ను తగ్గించుకోవచ్చని వారు చెబుతున్నారు. మరీ ముఖ్యంగా బ్లాక్ కాఫీ తాగితే ఇంకా ఎక్కువ ప్రయోజనం ఉంటుందని వారు అంటున్నారు. కనుక కాఫీని చక్కెర కలపకుండా తాగితేనే మంచిది.
చక్కెర వేయకుండా కాఫీ తాగితే గుండె జబ్బులు వచ్చే అవకాశాలు కూడా చాలా వరకు తగ్గుతాయని వెల్లడైంది. వరల్డ్ హెల్త్ ఆర్గనైజేషన్ చేపట్టిన అధ్యయనంలో ఈ విషయాలను వెల్లడించారు. అధ్యయనాలు చెబుతున్న ప్రకారం కాఫీలో చక్కెర కలపకుండా తాగితే గుండె జబ్బులు రావని, గుండె ఆరోగ్యం మెరుగు పడుతుందని తేల్చారు. అయితే కెఫీన్ను మరీ ఎక్కువగా తీసుకోరాదు. కనుక కాఫీని రోజుకు 2 కప్పులకు మించకుండా తాగితేనే ప్రయోజనం ఉంటుందని అంటున్నారు.
జ్ఞాపకశక్తి పెరుగుతుంది..
మీకు మతిమరుపు సమస్య వచ్చిందా..? వయస్సు మీద పడడం వల్ల చాలా మందికి ఈ సమస్య వస్తుంటుంది. ఇది మరీ తీవ్రతరం అయితే అల్జీమర్స్ వస్తుంది. దీంతో తమ పేరును తామే మరిచిపోతారు. కానీ కాఫీలో చక్కెర కలపకుండా తాగితే జ్ఞాపకశక్తి, ఏకాగ్రత పెరుగుతాయని సైంటిస్టులు చెబుతున్నారు. ఈ మేరకు జాన్స్ హాప్కిన్స్ యూనివర్సిటీ పరిశోధకులు అధ్యయనం చేపట్టారు. అలా కాఫీ తాగడం వల్ల మెదడు యాక్టివ్గా పనిచేస్తుందని అంటున్నారు.
అధిక బరువు తగ్గాలని చూస్తున్నవారికి కాఫీ ఎంతగానో మేలు చేస్తుంది. అయితే కాఫీని చక్కెర లేకుండా తాగాల్సి ఉంటుంది. ఫుడ్ సైన్స్ అండ్ న్యూట్రిషన్ అనే జర్నల్లో ఈ వివరాలను ప్రచురించారు. కాఫీలో చక్కెర లేకుండా సేవించడం వల్ల శరీరంలోని కొవ్వు కరుగుతుందని అంటున్నారు. అలాగే ఫ్యాటీ లివర్ అనే సమస్య వచ్చే అవకాశాలు కూడా తగ్గుతాయని సైంటిస్టులు చెబుతున్నారు. కనుక మీరు కాఫీని ఇకపై ఎప్పుడు తాగినా చక్కెర లేకుండా తాగండి. ఎన్నో ప్రయోజనాలను పొందవచ్చు.
Read Today's Latest Health News in Telugu and Telugu News
- Tags
- Coffee
- health tips
RELATED ARTICLES
తాజా వార్తలు
Ramayana | బాక్సాఫీస్ వద్ద రామాయణ విధ్వంసం.. రూ.1600 కోట్లకు పైగా వసూళ్లు, బుక్ మై షోలో సరికొత్త రికార్డు!
Aarogyasri | ఏడాదిగా జీతాల్లేవ్.. కుటుంబ పోషణ కోసం ర్యాపిడో డ్రైవర్లుగా మారిన ఆరోగ్యశ్రీ ఉద్యోగులు
Bigg Boss 10 | వంశీపై నాగార్జున ఫైర్.. వర్షిణికి క్లాస్,కెప్టెన్సీ పోటీకి ముకేశ్ అర్హత!
Mining Mafia | మాఫియాతో మైనింగ్ శాఖ కుమ్మకు.. ప్రభుత్వ ఖజానాకు వందల కోట్లకు గండి!
Guidance Tamil Nadu | ‘పెట్టుబడుల’ లీక్పై రాజకీయ ప్రకంపనలు.. ఏపీ, తమిళనాడు మధ్య వివాదం ముదురుతోందా?
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

