వేసవిలో గ్యాస్ట్రిక్‌, అసిడిటీ సమస్యలు అధికంగా వేధిస్తుంటాయి. సమ్మర్‌లో తిన్న ఆహారం త్వరగా జీర్ణమవ్వడంతో పాటు జీర్ణాశయంలో మాటిమాటికీ గ్యాస్ ఉత్పన్నమవ్వడమే దీనికి కారణం. అయితే గ్యాస్ట్రిక్‌ సమస్యల నుంచి బయటపడేందుకు కొన్ని చిట్కాలు ఉన్నాయి. అవేంటంటే..
సమ్మర్‌లో డీహైడ్రేషన్‌ ఎక్కువగా అవుతుంటుంది. కాబట్టి తగిన మోతాదులో నీటిని తాగుతుండాలి. దీనివల్ల జీర్ణాశయంలోని యాసిడ్‌ లెవల్స్‌ స్థిరంగా ఉంటాయి. అలా కాకుండా శరీరంలో నీటి శాతం తగ్గితే యాసిడ్‌ లెవల్స్‌ తగ్గి గ్యాస్ ఏర్పడే అవకాశం ఉంటుంది.
భోజ‌నం చేసిన త‌రువాత క‌నీసం 30 నిమిషాల పాటు కూర్చుని ఉండాలి. ప‌డుకోకూడ‌దు. లేదంటే గ్యాస్ సమస్యలు వ‌స్తాయి.
గ్యాస్ సమస్యను తొల‌గించ‌డంలో అల్లం అద్భుతంగా ప‌నిచేస్తుంది. గ్యాస్ బాగా ఉంటే అల్లం టీ తాగాలి. లేదా చిన్న అల్లం ముక్కను అలాగే న‌మిలి మింగాలి. దీంతో గ్యాస్ నుంచి ఉప‌శ‌మ‌నం ల‌భిస్తుంది.
పుదీనా ర‌సం, నిమ్మరసం, బేకింగ్ సోడా నీటి మిశ్రమాలలో దేన్ని తాగినా గ్యాస్ స‌మ‌స్య నుంచి బ‌య‌ట ప‌డ‌వ‌చ్చు.
దాల్చిన చెక్క, ల‌వంగాలు, యాల‌కుల‌లో ఏదైనా తింటే గ్యాస్ స‌మ‌స్య నుంచి ఉప‌శ‌మ‌నం ల‌భిస్తుంది.
