New Study | శారీర‌క‌ వ్యాయామంతో త‌గ్గ‌నున్న‌ హృద్రోగ ముప్పు

New Study : వ్యాయామం ప‌లుర‌కాలుగా ఆరోగ్యానికి మేలు చేస్తుంద‌ని ఎన్నో అధ్య‌య‌నాలు వెల్ల‌డించాయి.

New Study : వ్యాయామం ప‌లుర‌కాలుగా ఆరోగ్యానికి మేలు చేస్తుంద‌ని ఎన్నో అధ్య‌య‌నాలు వెల్ల‌డించాయి. వ్యాయామం ఒత్తిడితో ముడిపడి ఉన్న మెదడు కార్యకలాపాలను తగ్గించడం ద్వారా గుండె జబ్బుల ప్రమాదాన్ని తగ్గిస్తుందని తాజా అథ్య‌య‌నం స్ప‌ష్టం చేసింది. ఒత్తిడితో ప్రేరేపిత‌మై మెద‌డులో చెల‌రేగే కార్య‌క‌లాపాల‌ను శారీర‌క వ్యాయామం త‌గ్గించ‌డం ద్వారా హృద్రోగ ముప్పును నివారిస్తుంద‌ని తాజా ప‌రిశోధ‌న తెలిపింది.

అమెరిక‌న్ కాలేజ్ ఆప్ కార్డియాల‌జీ జ‌ర్న‌ల్‌లో ప్ర‌చురిత‌మైన అధ్య‌య‌నం ఈ వివ‌రాలు వెల్ల‌డించింది. ఒత్తిడి, కుంగుబాటుతో బాధ‌ప‌డేవారికి వ్యాయామం దివ్యౌష‌ధంగా ప‌నిచేస్తుంద‌ని అధ్య‌య‌న బృందం నిగ్గుతేల్చింది. కుంగుబాటుతో స‌త‌మ‌త‌మ‌య్యేవారిలో శారీర‌క వ్యాయామం హృద్రోగ ముప్పును త‌గ్గించ‌డంలో రెండింత‌లు ప్ర‌భావ‌వంతంగా ప‌నిచేస్తుంద‌ని అధ్య‌య‌న ర‌చ‌యిత‌, మ‌సాచుసెట్స్ జ‌న‌ర‌ల్ హ‌స్పిట‌ర్‌, హార్వ‌ర్డ్ మెడిక‌ల్ స్కూల్ కార్డియాల‌జిస్ట్ అహ్మ‌ద్ త‌వ‌కోల్ వివ‌రించారు.

శారీర‌క ఆరోగ్యంపై స‌ర్వేలో పాల్గొన్న 50,000 మందికి పైగా మెడిక‌ల్ రికార్డుల‌ను ప‌రిశోధ‌కులు క్షుణ్ణంగా విశ్లేషించిన మీద‌ట ఈ వివ‌రాలు తెలిపారు. స‌ర్వేలో పాల్గొన్న 50,000 మందిలో ఒత్తిడి ప్రేరేపిత మెద‌డు కార్య‌క‌లాపాల‌ను ప‌సిగట్టేందుకు ప‌రిశోధ‌కులు 700 మందికి బ్రైన్ ఇమేజింగ్ టెస్ట్‌లు నిర్వ‌హించారు.

Resd More :

Elon Musk | ఎక్స్‌ కొత్త యూజర్లకు మస్క్‌ షాక్‌.. ఇకపై వాటికి ఫీజు చెల్లించాల్సిందే!