Health Tips | బీట్రూట్ జ్యూస్‌తో అనారోగ్యాల‌ను బీట్ చేద్దామిలా..!

ట్రూట్‌తో గుండె ఆరోగ్యం మెరుగ‌వుతుంద‌ని, జీర్ణ‌క్రియ సాఫీగా సాగుతుంద‌ని ప‌లు అధ్య‌య‌నాలు వెల్ల‌డించ‌గా తాజాగా బీట్రూట్ జ్యూస్‌తో బ్రెయిన్‌ప‌వ‌ర్ పెరుగుతుంద‌ని ప‌రిశోధ‌న‌ల్లో తేలింది.

న్యూఢిల్లీ : బీట్రూట్‌తో గుండె ఆరోగ్యం మెరుగ‌వుతుంద‌ని, జీర్ణ‌క్రియ సాఫీగా సాగుతుంద‌ని ప‌లు అధ్య‌య‌నాలు వెల్ల‌డించ‌గా తాజాగా బీట్రూట్ జ్యూస్‌తో బ్రెయిన్‌ప‌వ‌ర్ పెరుగుతుంద‌ని ప‌రిశోధ‌న‌ల్లో తేలింది. వ‌య‌సు పెరిగే కొద్దీ మెద‌డు స‌న్న‌గిల్లుతుంద‌ని వ్యాయామం దీనికి విరుగుడుగా ప‌నిచేస్తుంద‌ని నిపుణులు చెబుతున్నారు. వ్యాయామంతో మెద‌డుపై సానుకూల న్యూరోప్లాస్టిక్ ఎఫెక్ట్స్ ఉంటాయ‌ని పేర్కొన్నారు. బీట్రూట్ జ్యూస్‌తో మెద‌డుకు ర‌క్త‌స‌ర‌ఫ‌రా పెరుగుతుంద‌ని, వ్యాయామ సామ‌ర్ధ్యం మెరుగ‌వుతుంద‌ని తాజాగా వెల్ల‌డైంది. బీపీ త‌గ్గించ‌డంతో పాటు బీట్రూట్‌తో ప‌లు ఆరోగ్య ప్ర‌యోజ‌నాలు దాగున్నాయ‌ని ఇటీవ‌ల ప‌లు అధ్య‌య‌నాలు తెలిపాయి.

బీట్రూట్‌లో ఉండే నైట్రేట్ బీపీని త‌గ్గిస్తుంద‌ని, మెద‌డుకు ర‌క్త‌స‌ర‌ఫ‌రాను పెంచుతుంద‌ని ఆయా అధ్య‌య‌నాలు వెల్ల‌డించాయి. వ్యాయామానికి ముందు బీట్రూట్ జ్యూస్ తాగితే అద్భుత ఆరోగ్య ప్ర‌యోజ‌నాలు సొంతం చేసుకోవ‌చ్చ‌ని తాజా ప‌రిశోధ‌న గుర్తించింది. బీట్రూట్ జ్యూస్ తాగి వ్యాయామం చేసిన వ‌యోజ‌నుల్లో 6 వారాల త‌ర్వాత మెద‌డుపై సానుకూల ఫ‌లితాల‌ను ప‌రిశోధ‌కులు క‌నుగొన్నారు. వేక్ ఫారెస్ట్ యూనివ‌ర్సిటీకి చెందిన స‌హ ర‌చ‌యిత జాక్ రెజెకి నేతృత్వంలోని ప‌రిశోధ‌కుల బృందం త‌మ అధ్య‌య‌న వివ‌రాల‌ను జ‌ర్న‌ల్స్ ఆఫ్ గెరంటాల‌జీలో ప్ర‌చురించారు. బీట్రూట్ జ్యూస్‌లో ఉండే నైట్రేట్ ద్వారా మెద‌డుకు ఆక్సిజ‌న్ స‌ర‌ఫ‌రాను మెరుగుప‌రుస్తుంద‌ని అధ్య‌య‌నంలో గుర్తించారు.

నైట్రిక్ ఆక్సైడ్ చాలా శ‌క్తివంత‌మైన మాలిక్యుల్ అని, ఆక్సిజ‌న్ అవ‌స‌ర‌మైన శ‌రీర భాగాల‌కు ఇది చేరుకుని ఆక్సిజ‌న్‌ను మెరుగుపరుస్తుంద‌ని ప‌రిశోధ‌కులు రెజెకి పేర్కొన్నారు. నైట్రేట్ పుష్క‌లంగా ఉన్న బీట్రూట్ జ్యూస్ ర‌క్త‌నాళాలను రిలాక్స్ చేసి ర‌క్త స‌ర‌ఫ‌రా సజావుగా స‌గేలా చేస్తుంది. బీట్రూట్‌లో నైట్రేట్‌తో పాటు ఫోలేట్‌, పొటాషియం, విట‌మిన్ సీ, ఫైబ‌ర్ వంటివి మెద‌డు, కండ‌రాల‌కు కూడా శ‌క్తినిస్తాయి. బీట్రూట్‌తో పాటు బీపీని త‌గ్గించే పండ్లు, కూర‌గాయలు వంటి పోష‌కాహారాన్ని తీసుకోవాల‌ని నిపుణులు చెబుతున్నారు. ఈ త‌ర‌హా జీవ‌న‌శైలిని అల‌వ‌రుచుకుంటే గుండె ఆరోగ్యం మెరుగుప‌డ‌టంతో పాటు మెద‌డు ఉత్తేజిత‌మ‌వుతుంద‌ని ప‌రిశోధ‌కులు సూచిస్తున్నారు.