Coffee | మద్యం తాగాక కాఫీ తాగితే మత్తు తగ్గుతుందా?
మనలో చాలామందికి కాఫీ అంటే మహాచెడ్డ ప్రేమ. ఇంకొంతమంది మాత్రం దీన్నో చెడ్డ పానీయంగా భావిస్తారు. కాఫీని ఓ (దుర్)వ్యసనంగా పరిగణిస్తారు. కానీ, ఇదంత నిజమైన విషయం కాదు.
Coffee | మనలో చాలామందికి కాఫీ అంటే మహాచెడ్డ ప్రేమ. ఇంకొంతమంది మాత్రం దీన్నో చెడ్డ పానీయంగా భావిస్తారు. కాఫీని ఓ (దుర్)వ్యసనంగా పరిగణిస్తారు. కానీ, ఇదంత నిజమైన విషయం కాదు. కాఫీ చుట్టూ సమాజంలో కొన్ని అపోహలు అల్లుకుని ఉన్నాయి. వాటిలో నిజమెంతో తెలుసుకుందాం.

అపోహ: అసలు కాఫీ వ్యసనమేనా?
నిజం: మనకు వ్యసనం అనగానే మద్యం, సిగరెట్లు, డ్రగ్స్ గుర్తుకువస్తాయి. కెఫీన్ లేదా కాఫీ సేవనం విషయంలో మాత్రం వ్యసనం అనేది పెద్ద అంశంగా భావించరు. అంతేకాదు… కెఫీన్ వినియోగం వల్ల తలెత్తే శారీరక, సామాజిక సమస్యలను అంతగా పట్టించుకోరు. మోతాదు మించిన కాఫీ కూడా ఓ వ్యసనమే. అయితే, ఇతర ఉత్ప్రేరకాల (స్టిమ్యులెంట్స్)తో పోలిస్తే ఫీల్గుడ్ హార్మోన్ డోపమైన్ స్థాయులు కాఫీతో నెమ్మదిగా పెరుగుతాయి. కాబట్టి కాఫీ వ్యసనాన్ని వదిలించుకోవడం సులభమే. ఎంతగానో అలవాటుపడిన కాఫీ మానేసే క్రమంలో మగత, తలనొప్పి సమస్యలు తలెత్తుతాయి. కాబట్టి, ఉన్నపళంగా కాఫీ మానేయడం ఇబ్బందైతే… తాగే పరిమాణం తగ్గిస్తూ ప్రయత్నించాలి. కొన్ని రోజులకు ఆ వ్యసనం నుంచి బయటపడతాం.

అపోహ: కాఫీతో డీహైడ్రేషన్ వస్తుంది.
నిజం: కెఫీన్ డైయూరిటిక్. అంటే… కాఫీ ఎక్కువగా తాగితే మూత్ర విసర్జన ఎక్కువవుతుంది. కాకపోతే రోజుకు ఓ నాలుగు కప్పుల కాఫీ అంత ప్రమాదకరం ఏమీకాదు. మూత్రం పసుపు రంగులో వస్తుంటే మాత్రం నీళ్లు ఎక్కువగా తాగాలి.
అపోహ: కాఫీ చెడ్డది.
నిజం: కాఫీ చెడ్డది కాదు. రోజుకు రెండు నుంచి ఐదు కప్పుల కాఫీ నిక్షేపంగా తాగొచ్చు. దీనివల్ల టైప్ 2 డయాబెటిస్, గుండెజబ్బులు, పార్కిన్సన్స్ డిసీజ్, కాలేయ క్యాన్సర్, కుంగుబాటు లాంటివాటి ముప్పు తగ్గుతుందట. కాఫీ తాగడం వల్ల… ఏ ఆరోగ్య సమస్యతోనైనా సరే మరణం ముప్పు కూడా తగ్గుతుందంటున్నారు నిపుణులు. మొత్తంగా చూస్తే రోజూ మితంగా కాఫీ తాగడం వల్ల చెడు కంటే మంచే ఎక్కువ. అయితే కార్బొహైడ్రేట్లు ఎక్కువగా ఉండే తియ్యటి కాఫీ పానీయాలు, వెనిలా ఓట్ మిల్క్ లాటే లాంటివాటి విషయంలో జాగ్రత్తగా ఉండాలి.
అపోహ: మద్యం తాగాక కాఫీ తాగితే మత్తు తగ్గుతుంది.
నిజం: అంటే… మద్యం తీసుకుని కాఫీ తాగితే వాహనాలు నడపేయవచ్చని అర్థం కాదు. మరో ముచ్చట ఆల్కహాల్ ప్రభావాన్ని కెఫీన్ ఏ మాత్రం తగ్గించలేదని పరిశోధనల్లో తేలింది. సాధారణంగా కెఫీన్ ఉత్తేజాన్ని ఇస్తుందనేది నిజం. అయితే మద్యం తాగినవాళ్లకు ఈ చిట్కా పనిచేయదు. ఇకపోతే మద్యం తాగినవాళ్లు కాఫీ తాగితే నిద్రమత్తు వదిలిపోతుంది… కాబట్టి మళ్లీ మద్యం మీదికి మనసు మళ్లేందుకు ఆస్కారం ఉంది

అపోహ: బాగా వేయించిన కాఫీ గింజల్లో కెఫీన్ ఎక్కువ.
నిజం: బాగా వేయించినంత మాత్రాన కెఫీన్ పెరగదు. కాకపోతే బాగా వేయించడం వల్ల కాఫీ గింజలు పేలాల్లా మారతాయి. ఇక కాఫీ దుకాణాల్లో మామూలుగా వేయించినవాటిలానే, బాగా వేయించినవాటినీ తూస్తారు. దీంతో బాగా వేయించినవి ఎక్కువ పరిమాణంలో అవసరమవుతాయి. అలా కెఫీన్ కొంచెం ఎక్కువ పరిమాణంలో తీసుకుంటాం. అందువల్ల కాఫీ తాగేటప్పుడు… ఏ రకం గింజలు, కాఫీ ఎలా తయారు చేశారన్న దానిపైనా దృష్టిపెట్టాలి. రోబస్టా కాఫీ గింజల్లో అరబికా రకం గింజల కంటే రెట్టింపు కెఫీన్ ఉంటుంది. ఇక పొట్టలో ఎసిడిటీ తలెత్తకూడదంటే మాత్రం మామూలు వాటికంటే బాగా వేయించినవే మంచివి.
Read Today's Latest Health News in Telugu and Telugu News
RELATED ARTICLES
తాజా వార్తలు
HBA1C | 3 నెలల సగటు చక్కెర స్థాయిలను తెలిపే హెచ్బీఏ1సీ పరీక్ష నిజమైన ఫలితాలనే ఇస్తుందా..?
Keerthy Suresh | కీర్తి సురేశ్ ‘సత్యవాన్ సావిత్రి’కి ఊహించని ఓపెనింగ్స్.. తొలి రోజే షాక్!
Allu Aravind | అల్లు సినిమాస్లో టికెట్ల బ్లాకింగ్పై ప్రేక్షకుల ఆగ్రహం.. వెంటనే వీడియో కాల్ చేసిన అల్లు అరవింద్,అక్కడికక్కడే కీలక నిర్ణయం!
Salman Khan | చిరంజీవి, వెంకటేశ్, రామ్ చరణ్, ఎన్టీఆర్ సినిమాల్లో ఛాన్స్ ఇస్తే రెడీ.. టాలీవుడ్ హీరోలపై సల్మాన్ ఖాన్ ఆసక్తికర వ్యాఖ్యలు!
Priyanka Arul | ఓజీ హీరోయిన్ ప్రియాంక మోహన్ సాహసం.. అంధురాలిగా కొత్త అవతారం,బర్త్డే పోస్టర్తో ఆసక్తి పెంచిన మేకర్స్!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

