Breast Cancer | తొలిరోజుల్లోనే రొమ్ము క్యాన్సర్‌ను గుర్తించడం ఎలా అంటే?

క్యాన్సర్‌ ప్రమాదకరమే. ప్రాణాంతకమే! కానీ తొలి రోజుల్లోనే గుర్తించగలిగితే, తక్కువ దుష్ప్రభావంతో బయటపడవచ్చు. మరీ ముఖ్యంగా రొమ్ము క్యాన్సర్‌ విషయంలో ఈ మాట పూర్తిగా నిజం.

Breast Cancer | క్యాన్సర్‌ ప్రమాదకరమే. ప్రాణాంతకమే! కానీ తొలి రోజుల్లోనే గుర్తించగలిగితే, తక్కువ దుష్ప్రభావంతో బయటపడవచ్చు. మరీ ముఖ్యంగా రొమ్ము క్యాన్సర్‌ విషయంలో ఈ మాట పూర్తిగా నిజం. అందులోనూ, తొలిరోజుల్లో రొమ్ము క్యాన్సర్‌ను గుర్తించడం కాస్త తేలికే అంటున్నారు నిపుణులు. అందుకు ఉపకరించే చిట్కాలు..

• కుడి చేతిని తల వెనుక పెట్టి, ఎడమచేతి మధ్య మూడు వేళ్లతో కుడి రొమ్మును సున్నితంగా ఒత్తాలి.
• రొమ్ము అంచులతో మొదలుపెట్టి, చనుమొనల వరకు గమనించాలి. అలాగే రొమ్ము చుట్టూ ఉన్న భాగాన్ని పరిశీలించాలి.
• ఇలా చూసేటప్పుడు నొప్పి, గడ్డలు, చర్మం ముడతలు పడినట్టు లేదా రంగు మారినట్టు ఉందేమో గమనించాలి.
• చనుమొనలను సైతం కాస్త నొక్కి, ఏదైనా ద్రవం డిశ్చార్జ్‌ అవుతుందేమో చూడాలి.
• ఎడమ రొమ్ముకు కూడా ఇలాంటి పరీక్షే చేయాలి. చిన్నపాటి తేడా కనిపించినా అశ్రద్ధ చేయకుండా వైద్యులను సంప్రదించాలి.