ప్రెష‌ర్ కుక్క‌ర్‌లో వండే అన్నం ఆరోగ్యానికి మంచిదేనా..?

Pressure coocked rice: ప్రెష‌ర్ కుక్క‌ర్‌ల‌లో అన్నం వండుకుని తిన‌డం ఆరోగ్యానికి మంచిదా కాదా..? అనేది ఇప్పుడు చాలామందిలో క‌లుగుతున్న సందేహం. మ‌రి మీకూ అలాంటి సందేహం ఉందా..? మీ సందేహం తీరాలంటే

న్యూఢిల్లీ: మ‌న దేశంలో వ‌రి అన్న‌మే ప్ర‌ధాన‌మైన ఆహారం. దేశంలోని చాలా ప్రాంతాల్లో వ‌రి అన్నాన్ని ఆహారంగా తీసుకుంటారు. సాధార‌ణంగా పొయ్యిమంట‌పై ఉడికించ‌డం, ఆవిరి పెట్ట‌డం ద్వారా ఈ వ‌రి అన్నాన్ని వండుతారు. అయితే, కాలం మారుతున్నా కొద్దీ అన్నం వండే ప‌ద్ధ‌తులు కూడా మారుతున్నాయి. గ‌త కొన్నేండ్లుగా అన్నాన్ని ప్రెష‌ర్ కుక్క‌ర్‌లో వండ‌టం మొద‌లుపెట్టారు. ఈ విధానంలో అన్నం వేగంగా, స‌మ‌ర్థంగా ఉడుకుతుండ‌టంతో చాలా మంది ఈ ప‌ద్ధ‌తికి అల‌వాటుప‌డ్డారు.

ప్రెష‌ర్ కుక్క‌ర్ వంట ఆరోగ్యానికి మంచిదేనా..?

అయితే, ప్రెష‌ర్ కుక్క‌ర్‌ల‌లో అన్నం వండుకుని తిన‌డం ఆరోగ్యానికి మంచిదా కాదా..? అనేది ఇప్పుడు చాలామందిలో క‌లుగుతున్న సందేహం. మ‌రి మీకూ అలాంటి సందేహం ఉందా..? మీ సందేహం తీరాలంటే ఈ వివ‌రాలు చ‌ద‌వండి. ఆరోగ్య నిపుణులు చెబుతున్న ప్ర‌కారం ప్రెష‌ర్ కుక్క‌ర్‌లో అన్నం ప్ర‌యోజ‌న‌క‌ర‌మేన‌ట. ప్రెష‌ర్‌తో ఉడ‌క‌డంవ‌ల్ల అన్నం రుచిగా కూడా ఉంటుంద‌ట‌. కుక్క‌ర్‌లో వండిన అన్నంలో పిండిప‌దార్థం తొల‌గిపోవ‌డంవ‌ల్ల ఫ్యాట్ కంటెంట్ కూడా త‌క్కువ‌గా ఉంటుంద‌ట‌. ఈ రోజుల్లో ఊబ‌కాయానికి ప్ర‌ధాన కార‌ణం పిండిప‌దార్థ‌మే. ఇదిలావుంటే ప్రెష‌ర్ కుక్క‌ర్‌లో వండిన అన్నంలో కార్బోహైడ్రేట్స్‌, ప్రొటీన్ లాంటి నీటిలో క‌రిగే పోష‌కాలు ఉంటాయ‌ట‌.

కుక్క‌ర్‌లో అన్నంతో ప్ర‌ధాన ఆరోగ్య ప్ర‌యోజ‌నాలు..

• ప్రెష‌ర్ కుక్క‌ర్‌లో వండిన అన్న సులువుగా జీర్ణ‌మ‌వుతుంది.
• ఈ అన్నంలో ప్రోటీన్‌లు, పిండి ప‌దార్థాలు, ఫైబ‌ర్ లాంటి స్థూల పోష‌కాలు ఉంటాయి.
• ఎక్కువ ప్రెష‌ర్‌లో ఈ అన్నం వండ‌టంవ‌ల్ల బియ్యంలో, నీళ్ల‌లో ఉండే హానిక‌ర‌ శిలీంధ్రాలు, బ్యాక్టీరియా నాశ‌న‌మైపోతాయి.

ఈ విధంగా ప్రెష‌ర్ కుక్క‌ర్‌లో వండే అన్నంలో లెక్క‌లేన‌న్ని ఆరోగ్య ప్ర‌యోజ‌నాలు ఉన్నాయి. అంతేగాక వంట వేగంగా సిద్ధ‌మ‌వుతుంది. మంట‌పై ఎగిరిన‌ట్లుగా అన్నం ఎగ‌ర‌క‌పోవ‌డంవ‌ల్ల మెతుకులు ఇరగ‌కుండా ఉంటాయి.