Visit:
ట్విట్టర్‌ అకౌంట్‌కు పెట్టిన ప్రొఫైల్‌ ఫొటోనే తన ఇన్‌స్టాగ్రామ్‌ అకౌంట్‌ పిక్‌గా పెట్టుకున్నారు పవన్‌ కళ్యాణ్‌.
పవర్ స్టార్‌ పవన్‌ కళ్యాణ్‌ ఈ పేరుకు ఉన్న క్రేజ్‌ ఏంటో ఇప్పుడు మరోసారి రుజువైంది.
ఇన్‌స్టాగ్రామ్‌లోకి అలా అడుగుపెట్టాడో లేదో లక్షలాది మంది ఫాలోవర్స్‌ వచ్చి చేరారు.
ఇప్పటికే ఫేస్‌బుక్‌, ట్విట్టర్‌ వంటి సామాజిక మాధ్యమాలతో పవన్‌ కళ్యాణ్‌ ఫ్యాన్స్‌కు చేరువలో ఉన్నారు.
తన సినిమాల అప్‌డేట్స్‌ కంటే కూడా రాజకీయంగానే తన సోషల్‌మీడియా అకౌంట్లను పవన్‌ కళ్యాణ్‌ వాడుతున్నారు. సామాజిక మాధ్యమంగా వైఎస్‌ జగన్‌, వైఎస్సార్‌సీపీ పార్టీని ఏకిపారేస్తున్నారు.
ఏపీలో అసెంబ్లీ ఎన్నికలకు ఇంకా ఏడాదే గడువు ఉండటంతో జనాలకు మరింత చేరువ కావాలనే ఉద్దేశంతో పవన్‌ కళ్యాణ్‌ తాజాగా ఇన్‌స్టాగ్రామ్‌లోకి కూడా అడుగుపెట్టారు.
మంగళవారం ఉదయం పవన్‌ కళ్యాణ్‌ ఇన్‌స్టా ఖాతాను తెరవగా.. కొద్దిసేపటికే వెరిఫైడ్‌ టిక్‌ కూడా లభించింది.
ట్విట్టర్‌లో ఉన్న ఎలుగెత్తు, ఎదురించు, ఎన్నుకో.. జైహింద్‌ అనే స్లోగన్‌నే ఇన్‌స్టాలోనూ యాడ్‌ చేశారు.
ఇన్‌స్టా అకౌంట్‌ ఓపెన్‌ చేసిన గంటల్లోనే లక్షల మంది పవన్‌ కళ్యాణ్‌ను ఫాలో అయ్యారు.
ఇంకా ఒక్క పోస్టు కూడా పెట్టకుండానే 14 లక్షల మంది ఫాలో అవుతుండటంతో ఫ్యాన్స్‌ ఖుషీ అవుతున్నారు. ఇదీ పవర్ స్టార్‌ రేంజ్‌ అని గొప్పగా చెప్పుకుంటున్నారు.