వెలవెలబోయిన వెయ్యి రోజుల పాలన

పదునాలుగేడులు పలుచన గానీక నుద్యమంబు నడిపెనుత్తమముగ ప్రజల మనస్సున రాజిల్ల జేసెను సొంత రాష్ట్రకలను సంతతతముగ ఆత్మ గౌరవమునా ఆంధ్ర ప్రభుత నుండి తాకట్టువిడిపించె ధైర్యమూని విలవిలలాడెడు తెలగాన ప్రాంతపు విలువను పెంచెను విశ్వమందు

పదునాలుగేడులు పలుచన గానీక
నుద్యమంబు నడిపెనుత్తమముగ
ప్రజల మనస్సున రాజిల్ల జేసెను
సొంత రాష్ట్రకలను సంతతతముగ
ఆత్మ గౌరవమునా ఆంధ్ర ప్రభుత నుండి
తాకట్టువిడిపించె ధైర్యమూని
విలవిలలాడెడు తెలగాన ప్రాంతపు
విలువను పెంచెను విశ్వమందు

తెచ్చి తెలగాన రాష్ట్రము తెగువమీర
వర్ష దశపాలనమునందు హర్షమెగయ
దీర్ఘకాలపు కలలను దీర్చినాడు
చంద్రశేఖరుండనఘుడు చాలఘనుడు

తృప్తినుద్యోగులకునెంతొ తెచ్ఛిపెట్టి
సొంతరాష్ట్రమునకువింత సొబగులద్ది
దశనుమార్చుచు నభివృద్ధి దిశను నడుపు
వేళ ప్రభుత మారెనయయో! విధియె కాదె!

వెయ్యిదినముల పాలన నొయ్యకొనిన
నన్నివర్గముల ప్రజలకెన్నొ పాట్లు
బ్రతుకు కష్టములందున చితుకుచుండె
నెంచ ఫలితము మంచిని ముంచు క్రియకు

వర్షములేక యెండినవి
పంటపొలంబులు నీటియెద్దడిన్‌
కర్షకలోకమంత కడు
కష్టములందునమున్గి యుండ స్వో
త్కర్షను చాటుచుండెనిట
కర్కశమైన ప్రభుత్వ మెచ్చటన్‌
హర్షములేదు కాంచగ మహాపద
ముంచుకు వచ్చుచుండెగా

ఇండ్లు కూలి పోయి ఇడుములపడువారు
బాధ పొందువారు పైసలేక
పథకములకొరకని పరితపించెడువారు
శాంతి లేక నిడగ శాపములను

కులుకు చున్నారు నేతలు కుటిలులగుచు
ప్రజల గోడును పట్టక బరితెగించి
కొట్టుకొనుచున్నారిదె చట్టసభను
మార్పు చేయకుంండిన కల్గు మనకు ముప్పు

-చిలకమర్రి కృష్ణమాచార్యులు ,9985513883