అలలపై… పౌర్ణమి నాడు

చల్లని వెన్నెల కురిపించి రేయంతా అలసి సొలసి సొమ్మసిల్లి పోతున్న చందమామ

చల్లని వెన్నెల కురిపించి
రేయంతా అలసి సొలసి
సొమ్మసిల్లి పోతున్న చందమామ

రేయిని చీల్చుతూ విల్లంబులుగా
కిరణాలతో ఉదయిస్తున్న భానుడిని
చూసి సిగ్గుతో తప్పుకున్న చంద్రి

అలలు కిరణాల స్పర్శ తో పులకరిస్తూ
తీరాన్ని తాకాలనే తహ తహతో
తీరం అల చుంబనంకై తమకంతో
తీరే వేళ గాలి హోరు
చుంబనం కాస్తా
సంగమమై తనివి తీరా!! పారవశ్యంలో

ఆమె అతడు
అలా రేయి నుండి పగలు దాకా
వెన్నెల నుండి మండే వేసవి దాకా
కళ్ళతో మాట్లాడుతూ
స్పర్శలో మైమరుస్తూ

ఇలలోనే దొరికే మధురానుభూతుల
లోగిలిలో మౌనంగా
తమదైన లోకంలో
చేతి వేళ్ళతో మీటే
దేహ స్పందనల సంగమం
ప్రకృతి నేర్పిన పాఠమూ!
కోరికనూ!! అదే!!

ఆ దిశలో ఆ ఇద్దరూ
అడుగులు వేస్తూ
అలతీరం ఆలింగనం సాక్షిగా
చెలమల్లు గిరిప్రసాద్‌: 94933 88201