సంక్షోభంలో సంబురాలా?
తెలంగాణలో దుర్భరమైన కరువు పరిస్థితులు నెలకొన్నాయి. అధికారికంగా సర్కార్ 365 మండలాలను కరువు జాబితాలో చేర్చింది. ఇలా ఎన్నో సమస్యలు రాష్ర్టాన్ని పట్టిపీడిస్తుంటే కాంగ్రెస్ ప్రభుత్వం అంతర్జాతీయ సదస్సులు నిర్వహిస్తూ కోట్లాది రూపాయల ప్రజాధనాన్ని వాటికి ఖర్చు చేస్తున్నది.
తెలంగాణలో దుర్భరమైన కరువు పరిస్థితులు నెలకొన్నాయి. అధికారికంగా సర్కార్ 365 మండలాలను కరువు జాబితాలో చేర్చింది. ఇలా ఎన్నో సమస్యలు రాష్ర్టాన్ని పట్టిపీడిస్తుంటే కాంగ్రెస్ ప్రభుత్వం అంతర్జాతీయ సదస్సులు నిర్వహిస్తూ కోట్లాది రూపాయల ప్రజాధనాన్ని వాటికి ఖర్చు చేస్తున్నది. ఓ వైపు ప్రజలను కరువు పరిస్థితులు పీడిస్తుంటే మరోవైపు సర్కార్ అంతర్జాతీయ సదస్సు అంటూ జాతరలు చేయడం ఏమిటి? తమ పార్టీ ఇమేజీ పెంచేందుకు నిర్వహించుకున్న ఈ సదస్సుకు అత్తసొమ్ము అల్లుడు దానం చేసినట్టు తెలంగాణ ప్రజల సొమ్మును గుమ్మరించడం దారుణం. రాష్ట్ర రాజధాని హైదరాబాద్లో ఈ నెల 13, 14 తేదీల్లో జరిగిన రెండో విడత భారత్ సమ్మిట్కు 70కి పైగా దేశాల నుంచి వెయ్యి మందికి పైగా ప్రతినిధులు హాజరయ్యారని నిర్వాహకులు టాంటాం వేసుకుంటున్నారు. పైగా సదస్సు చర్చాంశాల్లో ప్రజాస్వామ్యం, సామాజిక న్యాయం వంటి గొప్పగొప్ప లక్ష్యాలు చేర్చడం హాస్యాస్పదం. పార్టీ ఫిరాయింపులతో బలాన్ని పెంచుకోజూస్తున్న కాంగ్రెస్కు ప్రజాస్వామ్యం గురించి మాట్లాడే అర్హత ఉంటుందా? అనే విమర్శలు వస్తున్నాయి. ఇలాంటి సదస్సుల నిర్వహణకు ప్రజాధనాన్ని ఎంత ఖర్చు చేస్తున్నారు? దానివల్ల ప్రజలకు దక్కే ప్రయోజనం ఏమిటి? అనే ప్రశ్నలకు ప్రభుత్వం సమాధానం చెప్పాలి.
ఈ ఏడాది సదస్సు నిర్వహణకు రూ.100 కోట్ల వరకు ఖర్చయినట్టు తెలుస్తున్నది. వేదికల నిర్మాణం, స్టార్ హోటళ్లలో వసతి, విదేశీ ప్రతినిధుల రవాణా, ఆతిథ్యం, ప్రచారం, అలంకరణలు, భద్రత వంటి అంశాలపై ఎంత ఖర్చు చేశారో ప్రజలకు తెలియాలి. కాంట్రాక్టులు ఎవరికి ఇచ్చారు? ఏ సంస్థలకు ఎంత చెల్లించారు? అనే వివరాలను కూడా బహిర్గతం చేయాలి. రాష్ట్రంలోని అనేక ప్రాంతాల్లో రైతులు వర్షాభావ పరిస్థితులతో అల్లాడుతున్నారు. పంటలకు నీరందక, బోర్లు ఎండిపోతూ, సాగు, పెట్టుబడులు భారమవుతున్నాయి. గ్రామీణ ప్రాంతాల్లో తాగునీటి సమస్యలు తలెత్తుతున్నాయి. రైతు భరోసా, రుణమాఫీ, పంటల బీమా, రైతు కూలీలకు ఇచ్చిన హామీల అమలు అటక మీదే ఉన్నది. సాగునీటి ప్రాజెక్టుల నిర్వహణ, కాలువల మరమ్మతులు, చెరువుల పునరుద్ధరణ, విద్యుత్తు సరఫరా వంటి అత్యవసర అంశాలకు నిధుల కొరత ఉంటుందంటున్న ప్రభుత్వం, సదస్సుల నిర్వహణకు మాత్రం కోట్లాది రూపాయలు వెచ్చించేందుకు వెనుకాడటం లేదు. నిరుద్యోగ యువత ఉద్యోగాల కోసం ఎదురుచూస్తున్న వేళ ఆ అంశం వదిలేసి సదస్సుల పేరిట పనికిరాని ఆర్భాటాలకు పోవడం అర్థరహితం. భారత్ సమ్మిట్ కేవలం తెలంగాణ ప్రభుత్వ కార్యక్రమంగానే కాకుండా కాంగ్రెస్ రాజకీయ వేదికగా మారడం ప్రపంచమంతా చూసింది. దేశవ్యాప్తంగా తమ పార్టీ రాజకీయ ప్రభావాన్ని పెంచుకోవడం, రాహుల్గాంధీకి అనుకూలంగా, బీజేపీకి వ్యతిరేకంగా అంతర్జాతీయ ప్రచారం కల్పించడం వంటి రాజకీయ లక్ష్యాలు ఈ సదస్సు వెనుక దాగి ఉన్నాయనేది బహిరంగ రహస్యమే. అలాంటి అనుమానాస్పద లక్ష్యాల కోసం ప్రజల సొమ్మును వినియోగించే హక్కు ప్రభుత్వానికి ఎవరిచ్చారనేది ఇక్కడ ప్రశ్న. కాంగ్రెస్ తన జాతీయ రాజకీయ ప్రయోజనాల కోసం తెలంగాణను వేదికగా మార్చుకోవడం, రాష్ట్ర ఖజానాను కొల్లగొట్టడం ఎంతమాత్రం సమర్థనీయం కాదు.
ముఖ్యమంత్రి రేవంత్రెడ్డి ప్రభుత్వం ఎదుర్కొంటున్న పరిపాలనా వైఫల్యాలు, ఎన్నికల హామీల అమలుపై ప్రజల్లో పెరుగుతున్న అసంతృప్తి, ప్రతిపక్షాల విమర్శల నుంచి ప్రజల దృష్టిని మళ్లించేందుకు ఇలాంటి కార్యక్రమాలు చేపడుతున్నదన్న విమర్శలోనూ వాస్తవం లేకపోలేదు. పాలనలో విఫలమైన ఈ ప్రభుత్వం ప్రచార కార్యక్రమాలతో ప్రజల దృష్టిని మళ్లించాలని చూస్తున్నది. ఫొటోలు, ప్రసంగాలు, విదేశీ ప్రతినిధుల హడావుడి ఎండిపోయిన బావుల్లో నీళ్లు నింపలేవు. రైతుల అప్పులు తీర్చలేవు. నిరుద్యోగులకు ఉద్యోగాలు ఇవ్వలేవు. నిజానికి, డిసెంబర్లో జరుగనున్న ఇన్వెస్ట్ తెలంగాణ గ్లోబల్ సమ్మిట్కు ప్రభుత్వం సిద్ధమవుతున్నది. డిసెంబర్ 7 నుంచి 9 వరకు భారత్ ఫ్యూచర్ సిటీ పేరిట నిర్వహించనున్న ఈ కార్యక్రమానికి ఆరు ఎగ్జిబిషన్ హాళ్లు, 52 రంగాల సమావేశాలు, 25 ఎగ్జిక్యూటివ్ కౌన్సిళ్లను ఏర్పాటు చేస్తున్నట్టు అధికారిక ప్రకటనలు చెప్తున్నాయి. అంటే సదస్సుల పరంపర మరింత విస్తరించబోతున్నది. అంతర్జాతీయ స్థాయి సదస్సులు నిర్వహించడం కంటే అంతర్జాతీయ స్థాయి పరిపాలన అందించడం ముఖ్యం అని కాంగ్రెస్ సర్కార్ తెలుసుకోవడం మంచిది.
Read Today's Latest Editpage News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

