ఇస్లాం బోధ – ప్రవక్త చూపిన బాటలో

‘ఆయన’ అనే పేరు వినిపిస్తుంది. నిత్యం ఏదో ఒక నగరంలో అజాన్‌ (ప్రార్థన కోసం పిలుపు)లో ఆయన పేరు లేకుండా పూర్తికాదు. శుక్రవారం ప్రార్థనలు, ఈద్‌ ప్రార్థనలు లేదా వివాహాల కోసం ఇచ్చే ఉపన్యాసాలు ఆ పవిత్ర నామం తీసుకోకుండా పూర్తి కావు.

• ప్రతి సెకనుకు ప్రపంచంలో ఎక్కడో ఒకచోట

‘ఆయన’ అనే పేరు వినిపిస్తుంది. నిత్యం ఏదో ఒక నగరంలో అజాన్‌ (ప్రార్థన కోసం పిలుపు)లో ఆయన పేరు లేకుండా పూర్తికాదు. శుక్రవారం ప్రార్థనలు, ఈద్‌ ప్రార్థనలు లేదా వివాహాల కోసం ఇచ్చే ఉపన్యాసాలు ఆ పవిత్ర నామం తీసుకోకుండా పూర్తి కావు. ఆయనెవరో కాదు ముస్లింలు ప్రాణానికి మిన్నగా ప్రేమించే ముహమ్మద్‌ ప్రవక్త (స).

ఆయన బోధనలు సదా స్మరణీయాలు. అజ్ఞానాంధకారంలోని ప్రపంచానికి కొత్త వెలుగులను ప్రసాదించిన మహనీయుడు ప్రవక్త ముహమ్మద్‌ (స). ఆయన మానవాళికి సాఫల్య మార్గం చూపించారు. రాజకీయంగా, సాంస్కృతికంగా, ఆర్థికంగా మానవ సమాజానికి మార్గ దర్శనం చేశారు. సత్య, ధర్మాల గురించి తెలుసుకోవాలంటే ప్రవక్త ముహమ్మద్‌ (స) ఆచరణాత్మక జీవితాన్ని ఉదాహరణగా తీసుకోవాలి.

తన కన్నా ముందు ఉన్న ప్రవక్తలు తీసుకొచ్చిన ఆధ్యాత్మిక సందేశానికి ఆయన ముగింపును ఇచ్చారు. మనుషుల సామాజిక జీవితాన్ని, వ్యక్తిగత జీవితాన్ని, అంతర్గత, బాహ్య ఆచరణలను చక్కదిద్దారు. అన్ని రంగాలు, వ్యవస్థల్లో సంస్కరణలను తీసుకొచ్చారు. మానవ సమాజాన్ని సంస్కరించి మానవత్వ విలువలను పునరుద్ధరించారు.

సమ సమాజ నిర్మాణం ఆయన ధ్యేయం. ఆర్థిక పతనం కాకుండా సమాజాన్ని కాపాడటం ఆయన స్థాపించిన ఇస్లాం ప్రధాన ఉద్దేశం. ముహమ్మద్‌ (స) జీవితాన్ని మనం సరిగా అవగాహన చేసుకొని, ఆయన బోధనలను ఆచరించినప్పుడే జీవితంలో విజయం సాధించగలుగుతాం. అశాంతి, స్వార్థం, నైతిక విలువల పతనం నెలకొన్న నేటి సమాజంలో ఆయన బోధనలు ఆచరించడం తక్షణావసరం.

ప్రవక్త (సఅసం) ప్రబోధనలు

• దేవుణ్ని, అంతిమ దినాన్ని విశ్వసించే వ్యక్తి పలికితే మంచిమాట పలకాలి లేదా మౌనంగా ఉండాలి.
• తనకోసం ఇష్టపడేదే తన సోదరుని కోసం కూడా ఇష్టపడనంత వరకూ మీలో ఎవరూ నిజమైన ముస్లిం కాజాలరు.
• వితంతువులు, నిరుపేదల బాగుకోసం కృషి చేసేవాడు దైవమార్గంలో పోరాడే యోధుడితో సమానం.
• ఏ విశ్వాసీ విశ్వాసురాలిని (భార్యను) అసహ్యించుకోరాదు. ఆమెలో ఒక గుణం నచ్చకపోయినప్పటికీ.. నచ్చే మరో గుణం ఆమెలో ఉండవచ్చు.
• తల్లి పాదాల కింద స్వర్గం ఉంది. తండ్రి స్వర్గద్వారాలన్నిటిలో మధ్య ద్వారం.
• మీరు సముద్రంలో వేలు ముంచి తీస్తే ఎంత నీరు అంటుకుంటుందో పరలోక జీవితం ముందు ఇహలోక జీవితం (విలువ) కూడా అంతే సుమా!

– ముహమ్మద్‌ ముజాహిద్‌
96406 22076