Horrific Video: కన్న తల్లే కాళ్లు, చేతులు కట్టేసి.. ఎండలో పడేసింది

న్యూఢిల్లీ: ఒక బాలికపట్ల ఆమె తల్లిదండ్రులు దారుణంగా ప్రవర్తించారు. ఆమె కాళ్లు, చేతులు కట్టేసి మిద్దెపై మండుటెండలో ఉంచారు. దీంతో ఎండను తట్టుకోలేక ఆ చిన్నారి విలవిల ఏడ్చింది. దేశ రాజధాని ఢిల్లీలో ఈ దారుణ సంఘటన జరిగింది. ఒకరు ఈ వీడియోను తీసి సోషల్‌ మీడియాలో పోస్ట్‌ చేశాడు. జూన్‌ 2న కరవాల్ నగర్ ప్రాంతంలో ఈ సంఘటన జరిగినట్లు అందులో పేర్కొన్నాడు. ఈ వీడియో సోషల్‌ మీడియాలో వైరల్‌ అయ్యింది. నెటిజన్లు ఆందోళన వ్యక్తం చేయడంతోపాటు ఈ వీడియోను ఢిల్లీ పోలీసుల దృష్టికి తీసుకెళ్లారు.

దీంతో ఢిల్లీ పోలీసులు రంగంలోకి దిగారు. ఆ బాలికను దారుణంగా శిక్షించిన తల్లిదండ్రులను, ప్రాంతాన్ని గుర్తించేందుకు నానా తిప్పలు పడ్డారు. తొలుత కరవాల్‌ నగర్‌ ప్రాంతంలో ఆరా తీయగా ఆ ప్రాంతంలో అలాంటి సంఘటన జరుగలేదని తెలిసింది. అనంతరం ప్రత్యేక పోలీస్‌ బృందాలను రంగంలోకి దించారు. చివరకు ఖజురి ఖాస్ ప్రాంతంలో ఒక ఇంటిని గుర్తించారు. ఆ బాలిక తల్లిదండ్రులను దీనిపై ఆరా తీశారు. అయితే స్కూల్‌ హోమ్‌ వర్క్‌ చేయలేదన్న కోపంతో కేవలం 5-7 నిమిషాల పాటు ఇలా శిక్షించినట్లు బాలిక తల్లి పోలీసులకు చెప్పింది.

మరోవైపు బాధిత బాలిక, ఆమె కుటుంబాన్ని గుర్తించామని ఢిల్లీ పోలీసులు తెలిపారు. ఆ చిన్నారి తల్లిదండ్రులపై తగిన చర్యలు తీసుకుంటామని ట్విట్టర్‌లో పేర్కొన్నారు.

https://twitter.com/AdityaPaul1999/status/1534499448406953984?ref_src=twsrc%5Etfw%7Ctwcamp%5Etweetembed%7Ctwterm%5E1534499448406953984%7Ctwgr%5E%7Ctwcon%5Es1_c10&ref_url=https%3A%2F%2Fwww.timesnownews.com%2F