YouTube videos | యూట్యూబ్ వీడియోల‌ను లైక్ చేస్తూ రూ. 73 ల‌క్ష‌లు పోగొట్టుకున్నారు

యూట్యూబ్ వీడియోల‌ను (YouTube videos) లైక్ చేయ‌డం ద్వారా భారీ మొత్తం ఆర్జించ‌వ‌చ్చ‌ని మభ్య‌పెట్టి ప‌లువురి నుంచి రూ. 73 ల‌క్ష‌లు కాజేసిన ముఠా స‌భ్యుల్లో ఒక‌రైన 28 ఏండ్ల వ్య‌క్తిని పోలీసులు అరెస్ట్ చేశారు.

న్యూఢిల్లీ : యూట్యూబ్ వీడియోల‌ను (YouTube videos) లైక్ చేయ‌డం ద్వారా భారీ మొత్తం ఆర్జించ‌వ‌చ్చ‌ని మభ్య‌పెట్టి ప‌లువురి నుంచి రూ. 73 ల‌క్ష‌లు కాజేసిన ముఠా స‌భ్యుల్లో ఒక‌రైన 28 ఏండ్ల వ్య‌క్తిని పోలీసులు అరెస్ట్ చేశారు. యూట్యూబ్, మోజ్ యాప్‌ల పేరుతో ఈ గ్యాంగ్ ఆన్‌లైన్ ఫ్రాడ్‌కు తెర‌లేపింది. నిందితుడు హ‌రియాణాకు చెందిన సోనేప‌ట్ వాసి అజ‌య్‌కుమార్‌ను గురుగ్రాంలో అరెస్ట్ చేశారు.

పోలీసులు తెలిపిన వివ‌రాల ప్ర‌కారం కుమార్ గురుగ్రామ్‌కు చెందిన ఓ వ్య‌క్తికి వాట్సాప్ ద్వారా లింక్ పంపాడు. యూట్యూబ్ కంటెంట్‌ను లైక్ చేయ‌డం ద్వారా పెద్ద‌మొత్తంలో ఆర్జించ‌వ‌చ్చ‌ని న‌మ్మ‌బ‌లికాడు. ఈ స్కీమ్‌లో ఇన్వెస్ట్ చేయాల‌ని మ‌భ్య‌పెట్టాడు.

ఆపై కుమార్ ప‌లుమార్లు ఇన్వెస్ట్ చేస్తూ పెద్ద‌మొత్తంలో న‌ష్ట‌పోయాడు. ఇలా మ‌రికొంద‌రినీ మోసం చేసి పెద్ద‌మొత్తంలో బురిడీ కొట్టించాడు. ఈ కేసులో ఇత‌ర నిందితుల బ్యాంకు ఖాతాల‌కూ డ‌బ్బు చేర‌వేశాడు. కేసు న‌మోదు చేసిన పోలీసులు త‌దుప‌రి ద‌ర్యాప్తు ముమ్మ‌రం చేశారు.

Read More :

గార్బా నృత్య ప్రదర్శనల్లో గుండెపోటుతో 10 మంది మృతి