Radish Chutney Recipe | ముల్లంగి పచ్చడి తయారీ విధానం

Radish Chutney Recipe | ముల్లంగి పచ్చడి తయారీకి కావలసిన పదార్థాలు

ముల్లంగి: ఒకటి, నూనె: పావు కప్పు, ధనియాలు: ఒక టేబుల్‌ స్పూన్‌, జీలకర్ర: ఒక టీస్పూన్‌, పోపుగింజలు (ఆవాలు, జీలకర్ర, మినుప పప్పు, శనగ పప్పు): రెండు టీస్పూన్లు, ఎండు మిరపకాయలు: పది, వెల్లుల్లి రెబ్బలు: ఐదు, కరివేపాకు: ఒక రెబ్బ, ఉల్లిగడ్డ: ఒకటి (చిన్నది), పసుపు: ఒక టీస్పూన్‌, చింతపండు గుజ్జు: ఒక టేబుల్‌ స్పూన్‌, ఉప్పు:
తగినంత.

Radish Chutney Recipe | ముల్లంగి పచ్చడి తయారీ విధానం

ముందుగా ముల్లంగి తొక్కతీసి చిన్నచిన్న ముక్కలుగా తరగాలి. స్టవ్‌మీద పాన్‌పెట్టి రెండు టేబుల్‌ స్పూన్ల నూనెవేసి వేడయ్యాక ధనియాలు, జీలకర్ర, ఎండు మిరపకాయలు, వెల్లుల్లి రెబ్బలు వేసి రెండు నిమిషాలు సన్నని మంటపై వేయించి తీయాలి. అదే పాన్‌లో మరో టేబుల్‌ స్పూన్‌ నూనెవేసి ముల్లంగి ముక్కలను జోడించి సన్నని మంటపై వేయించాలి. వాసనపోయేలా వేగాక.. అర టీస్పూన్‌ పసుపు వేసి బాగా కలిపి దించేయాలి. ముందుగా వేయించుకున్న మిరపకాయల మిశ్రమం, తగినంత ఉప్పు, చింతపండు గుజ్జు మెత్తగా గ్రైండ్‌ చేశాక.. ముల్లంగి ముక్కలు కూడా వేసి మరోసారి గ్రైండ్‌ చేయాలి. దీనికి పోపు పెడితే.. ముల్లంగి పచ్చడి సిద్ధం.

Read More :

Corn Cutlet Recipe | కార్న్‌ కట్లెట్‌ తయారీ విధానం