కారు ప్ర‌మాదం.. న‌డ‌వ‌లేని పరిస్థితిలో బిగ్ బాస్ బ్యూటీ

త‌మిళ న‌టి,బిగ్ బాస్ ఫేం య‌షికా ఆనంద్ ..తమిళనాడులోని మహాబలిపురం సమీపంలో జరిగిన రోడ్డు ప్రమాదంలో తీవ్రంగా గాయ‌ప‌డిన సంగ‌తి తెలిసిందే. ఈ ప్ర‌మాదంలోఆమె స్నేహితురాలు క‌న్నుమూసింది. వీకెండ్‌ సందర్భంగా తన ముగ్గురు స్నేహితులతో కలిసి యాషిక మహాబలిపురం లాంగ్‌డ్రైవ్‌కి వెళ్లగా, ఈ ప్ర‌మాదం జ‌రిగింది.

కారుని య‌షికానే డ్రైవ్ చేస్తుండ‌గా, కారు అదుపు త‌ప్పి డివైడ‌ర్‌ని ఢీకొట్టింది. దీంతో కారు ప‌ల్టీలు కొట్టింది. ఈ ఘటనలో ఆమె స్నేహితురాలు భవానీ అక్కడికక్కడే మృతి చెందింది. తీవ్రంగా గాయపడిన యాషిక, ఆమె మరో ఇద్దరు స్నేహితులను స్థానికులు సమీప ఆస్పత్రికి తరలించారు. అయితే కొద్ది రోజులుగా ఆసుప‌త్రిలో చికిత్స పొందుతున్న య‌షికా తాజాగా త‌న సోష‌ల్ మీడియా ద్వారా స్పందించింది.

ప్ర‌స్తుతం నా ప‌రిస్థితి దారుణంగా ఉంది. రాబోయే 5 నెల‌లు నేను బెడ్‌పైనే ఉండాల్సి వ‌స్తుంది. ఒకేలా ప‌డుకోవ‌ల్సి ఉందని, ప‌క్క‌కు కూడా జ‌ర‌గ‌లేని ప‌రిస్థితి. మోష‌న్ కోసం ప‌క్క‌కు జ‌ర‌గ‌లేను. తన బ్యాక్ పూర్తిగా డ్యామేజ్ అయిపోయిందని.. అదృష్టవశాత్తు మొహానికి ఎలాంటి గాయాలు కాలేదని తెలిపింది యషికా. ఇది నాకు మ‌రో జ‌న్మ అని చెప్పిన య‌షికా త‌న ఫ్రెండ్ మృతిపై తీవ్ర ఆవేద‌న వ్య‌క్తం చేసింది. నన్ను క్ష‌మించు భ‌వాని. జీవితంలో క్ష‌మించ‌రాని త‌ప్పు చేశారు.కాని ఏం చేయ‌లేని ప‌రిస్థితిలో ఉన్నాను అంటూ ఎమోష‌న‌ల్ అయింది య‌షికా.