Priya Bhavani Shankar | అందరూ డబ్బు కోసమే పని చేస్తారు : ప్రియా భవానీ శంకర్

కళ్యాణం కమనీయం (Kalyanam Kamaneeyam) సినిమాతో తెలుగు ప్రేక్షకులను పలుకరించింది కోలీవుడ్ భామ ప్రియాభవానీ శంకర్‌. అయితే ప్రియా భవానీ శంకర్‌ డబ్బు సంపాదించేందుకు ఫిలిం ఇండస్ట్రీకి ఎంట్రీ ఇచ్చిందని సోషల్ మీడియాలో వార్తలు హల్ చల్ చేస్తున్నాయి.

సంక్రాంతి కానుకగా విడుదలైన కళ్యాణం కమనీయం (Kalyanam Kamaneeyam) సినిమాతో తెలుగు ప్రేక్షకులను పలుకరించింది కోలీవుడ్ భామ ప్రియాభవానీ శంకర్‌. అనిల్‌ కుమార్‌ అల్ల డైరెక్షన్‌లో సంతోష్‌ శోభన్ (Santhosh Soban) హీరోగా నటించిన ఈ చిత్రం ఆశించిన స్థాయిలో సక్సెస్‌ అందుకోలేకపోయింది. అయితే ప్రియా భవానీ శంకర్‌ డబ్బు సంపాదించేందుకు ఫిలిం ఇండస్ట్రీకి ఎంట్రీ ఇచ్చిందని సోషల్ మీడియాలో వార్తలు హల్ చల్ చేస్తున్నాయి.

అయితే ఈ వార్తలపై స్పందించింది ప్రియా భవానీ శంకర్‌. తానెప్పుడూ అలా చెప్పలేదని గాసిప్స్ పై క్లారిటీ ఇచ్చింది. అందరూ డబ్బు కోసమే పని చేస్తారని, ఎవరు చేయరని ప్రశ్నించింది. ఒకవేళ తాను అలా చెప్పినా పెద్ద విషయమేమి కాదని పేర్కొంది. ఈ విషయంలో యాక్టర్లను టార్గెట్‌ చేశారంటూ నిరాశ వ్యక్తం చేసింది. తానిక్కడివరకు ఎదిగేందుకు చాలా కష్టపడ్డానని, ఎవరినైనా అంత సులభంగా అనేందుకు తాను ఒప్పుకోనని చెప్పుకొచ్చింది. ఈ మేరకు సుదీర్ఘమైన సందేశాన్ని సోషల్ మీడియాలో పోస్ట్‌ చేసింది.

ప్రియాభవానీ శంకర్‌ తెలుగులో సత్యదేవ్‌తో ఓ సినిమాకు గ్రీన్ సిగ్నల్ ఇచ్చింది. దీంతోపాటు శంకర్, కమల్ హాసన్ కాంబినేషన్‌లో వస్తున్న ఇండియన్‌ 2లో కీలక పాత్రలో నటిస్తోంది. మరో ఐదు సినిమాల్లో కూడా నటిస్తూ ఫుల్ బిజీగా ఉంది.