Biggboss Season 5 Telugu | బిగ్ బాంబ్ మరిచిపోయారేంటి..ఈ సారి ఉంటుందా లేదా..?

బిగ్ బాస్ (Biggboss Season 5 Telugu) ఇంటి నుంచి ఏ కంటెస్టెంట్ అయినా కూడా బయటికి వచ్చేటప్పుడు వాళ్లకు ఓ పవర్ ఉంటుంది. అప్పటి వరకు ఇంట్లోనే ఉన్నా..ఎలిమినేట్ అయిపోతుంది కాబట్టి ఓ వరం ఇస్తాడు బిగ్ బాస్.

బిగ్ బాస్ (Biggboss Season 5 Telugu) ఇంటి నుంచి ఏ కంటెస్టెంట్ అయినా కూడా బయటికి వచ్చేటప్పుడు వాళ్లకు ఓ పవర్ ఉంటుంది. దాని గురించి ప్రత్యేకంగా చెప్పనక్కర్లేదు గుర్తు చేయాల్సిన అవసరం అంతకంటే లేదు. అప్పటి వరకు ఇంట్లోనే ఉన్నా..ఎలిమినేట్ అయిపోతుంది కాబట్టి ఓ వరం ఇస్తాడు బిగ్ బాస్. తనకు కావాల్సిన వాళ్లకు ఫేవర్ చేయడానికైనా.. లేదంటే నచ్చని వాళ్లపై పగ తీర్చుకోడానికైనా బిగ్ బాంబ్ అనేది ఉంటుంది. తొలి నాలుగు సీజన్స్ లో దీన్ని చూస్తూనే ఉన్నాం. ఆ వారమంతా బాంబ్ అప్లై అవుతుంటుంది. అయితే ఎందుకో మరి బిగ్ బాస్ 5 తెలుగులో మాత్రం బిగ్ బాంబ్ గురించి నాగార్జున (Nagarjuna)తో పాటు బిగ్ బాస్ కూడా మరిచిపోయాడు.

తొలి వారం ఎలిమినేట్ అయిపోయిన సరయు (Sarayu) కు అలాంటి అవకాశం ఇవ్వలేదు బిగ్ బాస్. అది చూసి అంతా షాక్ అయిపోయారు. అదేంటి ఎలిమినేట్ అయిపోయిన కంటెస్టెంట్ కు పవర్ ఉంటుంది కదా..బిగ్ బాంబ్ వేయడపోవడం ఏంటి అంటూ ఆశ్చర్యపోతున్నారు. అందర్నీ తిట్టేయాలనే కసితో ఉన్న సరయు చేతికి కానీ బిగ్ బాంబ్ వచ్చుంటే కచ్చితంగా ఎవరో ఒకరు ఇంట్లో బలైపోయేవాళ్లు. అయితే ఆ సమయానికి ఎందుకో మరి బిగ్ బాస్ బాంబ్ గురించి మరిచిపోయాడు.

నిజంగానే మరిచిపోయారా లేదంటే ఈ సీజన్ లో రూల్స్ ఏమైనా మార్చారా అనేది కూడా అర్థం కావడం లేదు. ఎందుకంటే ప్రతీసారి కచ్చితంగా ఉండే బిగ్ బాంబ్ ఈ సారి ఎందుకు తీసేస్తారు.. అలా తీసేయాల్సిన అవసరం ఏమొచ్చింది అనేది కూడా సస్పెన్స్. సరయు విషయంలో పొరపాటు జరిగిపోయిందా లేదంటే ఈ సీజన్ అంతా బిగ్ బాంబ్ ఉండదా అనేది వచ్చే వారం తెలుస్తుంది. ఒకవేళ మరిచిపోతే మాత్రం అది సరయు బ్యాడ్ లక్ అనుకోవాల్సిందే. చూడాలిక.. రెండో వారం ఎలిమినేట్ అయ్యే కంటెస్టెంట్‌కు అయినా ఆ బాంబ్ పవర్ ఇస్తారో లేదో..?

ఇవి కూడా చ‌ద‌వండి..

Love Story: హృద్యంగా ఉన్న ల‌వ్ స్టోరీ ట్రైల‌ర్..!

Sampath Nandi| సీటీమార్ డైరెక్ట‌ర్ తో చిరంజీవి సినిమా..?

Shah Rukh Khan | స్టార్ హీరో ఓటీటీ ఎంట్రీ..!